Sofa 新裝、抵到爛鮑魚刷

家中布sofa用了多年, 自卡樂b入門後更被爪得岀鬚添, 冇眼睇, 布套更超過4年冇清洗, 直至最近才洗, 亦沒有打算更換。

早兩日戚起條根, 求其去ikea買咗6 m 布, 每款各3m, 鋪上sofa, 哈哈哈......大功告成。

順便買個$8.9 抵到爛鮑魚刷, 右邊的貴價鮑魚刷是當年我貪慕虛榮買嘅, 幾舊水一個, 仲一次過買咗兩個, 好睇唔好用, 刷柄短, 刷蓋又阻手阻腳, 一個已掉咗, 剩下呢個亦係時候掉啦, 勸大家不要買此種鮑魚刷。