1000km

跑步多年，由今年4月開始才使用app記錄，

才知道8個多月跑了超過1000公里，即一年約1300-1400km.

沒有定目標，速度也很溫和, 

純睇天氣(除了落雨天不跑)、時間，身體狀態(唔夠瞓不跑)，

沒有其他藉口。

當初跑步，為了互補瑜珈的不足，給自己些少心肺功能鍛練，

不要連跑幾步或行上天橋也氣喘，

不為減肥，因為我吃得太多，

單靠運動不能瘦身，只能保持體重, 

控制飲食對我來講是一生最難的discipline。

瑜珈、跑步有時帶給我一些輕微創傷,

經物理治療休息後我又恢復, 從中更懂得保護自己不再受傷。

身體基因遺傳自父母, 沒有選擇,

我家幾代遺傳糖尿病(50歲左右開始)、心臟病, 

已過身的我又知道病(死)因都是由此引起或其併發症，

我做好自己控制到的部分, 我的親戚有d雖已患病, 只靠吃藥抗拒運動, 勸說無效, 我也收聲。

2017年快到了,  新一年希望大家身心健康!

新玩具

玩具一到手，肥嘢即做QC,

今個月中放假，有機會上一D平時返工時間才會開的瑜珈班，

第一次接觸此玩具, 但在歐美已流行好一段時間，

一試即愛上，知道平時返工不可能就到時間上此類瑜珈班，索性自購

長期使用電腦工作，放工之後多少有使用手機，全身肌肉冇一忽係放鬆，

過去10年每星期習多小時瑜珈再加人手按摩去放鬆，

但不要以為我練了10年好勁，理論和正確姿勢知識我的確有番咁上下水平，

但我天身一身硬肌肉，有D動作用了10年仍無能為力，

例如拱橋、一字馬，仍堅持一星期花最少3至4小時在studio練習，因為唔練情況更糟

跑步所見

雀鳥也知道要小心過馬路，望左吖

顧住留在兒童遊樂場遊玩，樂而忘返，

掉了大隊的小白鷺，希望你找回你的同伴

第一次見的創意膠樽回收桶

膠樽放入回箱前，除了清洗干凈，

應搣咗招紙，樽蓋同樽分開，因為樽、招紙、蓋屬三種不同的膠，

方便回收分類。

又見野豬x3, 媽媽帶著兩子女，媽媽對我這人類警覺性很高

今個星期全放假，但絕對不hea，忙於搞維修防水,

等了4個月防水公司才抽到時間幫我搞，生意太好，請不到人，

沒有年青人願入行，過10年斷層，

善後清潔、清洗，

終於等到浴室寶出了一新型號，適合我家浴室安裝，

即買了一部先試用，順便解決打風落雨抽氣扇噴水的問題，

年度全身體檢，

吸塵機換配件，

物理治療,

每日跑步至少5km、一至兩堂瑜珈班。

爭奪蕉蕉

不明白各貓對蕉蕉的喜愛, 

蕉蕉的末端啡色蕉蒂一早被卡樂b咬爛，

由我修補繼續使用，

天氣凍了, 為細b穿回同一件衫, 佢又回歸蕉蕉貓床,

過去幾個月蕉蕉已成為妹頭基地, 

見到基地被霸占，妹頭只好望床避走, 好好脾氣, 下次早d霸位囉

第二日, 妹頭 一早霸咗位, 細b遲到, 

兩貓爭位, 邊個贏?

妹頭適應室內生活

妹頭入室一年多d，慢慢適應室內生活，

由開頭我一行近就不停喵、飛機耳、身體收縮，

不斷進步，不會期望佢有一天像肥仔咁對人傻呼呼，

只要不再經常自己嚇自己，躲到梳發底,

見到佢的進步，對我來講，除了欣慰，亦有滿足感。

妹頭吃飽後會開心碌地沙

見到我行過，想人關注佢，會大大聲喵引人注意

除了長駐卡樂b以往的寶座-黃色蕉蕉，亦會諗計跳上其他貓兜

今天下午氣溫仍有27度，

細b、肥仔已進駐貓床、人床嘆世界

Lost n found

昨晚跑步，見到一隻貓跟著兩個菲傭行，好奇怪，

問兩個菲傭隻貓係唔係佢，佢地話唔係，佢地正回家，

隻貓跟著佢地過馬路一路行,

貓好友善，完全不怕人，又有頸圈同一牌仔，

黑紋紋睇唔清楚牌仔上的字，可以俾我手抱，

行咗一陣，佢自己掙脫落地，我諗住捉唔番啦，

佢繼續一路行，我跟著佢，可能佢自己越行越驚，

之後再嘗試抱起佢，就咁手抱回家,

是男仔, 約6個月，很瘦, 未絕育。

回家後將佢困籠, 俾水同貓糧佢吃, 諗住聽日貼街招幫佢搵番主人，

如果沒有人認領, 都好頭痕，

沖完涼再仔細除下頸圈望下個牌子上的字,

有一組數字，不知是chip no. 或電話號碼,

膽粗粗當電話號碼打, 接聽是位外籍女士, 正駕車回家中,

證實是她的貓,

結果隻貓在我家逗留兩小時, 漏夜送隻貓回家，搞到12點才瞓。

這幾年跑步, 除了昨晚執到貓,

上星期執到mazda車匙一條 (冇法找到車主, 棄置了),

之前執過3張紅衫魚、一張有近$200八達通卡, 全買了貓糧放在愛協捐俾cccp義工。

O嘴

今日8號風球下，肥仔……

見到只有o嘴, 冇影低，佢老豆也不相信

妹頭見到冇眼睇，走貓

隔一陣，又被肥仔發現，
被我推開後，肥仔終於又吃咗落肚

細b婆婆睇醫生

今日3號風球，橫風橫雨下，帶阿女睇醫生，

好彩佢老豆良心發現, 車我地來回,

阿女自一年前右耳發炎，多次求診，

幾乎長服類固醇至8月尾，情況稍穩定，

但沒有多久，輪到左耳啡色分泌物比過往多, 

細b自少左面淚腺蔽塞，左耳分泌物一向比右耳多，

多年來我維持一星期洗耳一次，

但自從耳仔發炎後，幾乎日日清㓗，順便觀察佢雙耳情況，

遲些出門，不想好似今年年初咁，

滾水碌腳搵cat sitter 上門滴耳水，因鐘點怕咗細b，不敢接近佢, 

但cat sitter第一次見細b就可以滴到耳水, 

我認為鐘點心怯, 動物感受到, 

鐘點又不怕肥仔, 好矛盾

好少影得佢咁精神靚女, 仲沿途咕噜

醫生建議細b餘生要長服類固醇控制耳炎，我擘大口得個窿,

醫生又話細b算幸運，對類固醇治療有反應，

因為有的動物長服類固醇也控制不了敏感、炎症。

另外醫生聽到細b心臓有雜音，是衰老現象之一, 

醫生同我講笑話佢自己也有眾多衰老跡象，大家咁話啦！

意外發現

有一個月沒有講隻肥嘢，

佢繼續快樂二世祖貓生,

間中蝦蝦霸霸宣示貓大佬貓威,

只有一遺憾.....忘記了飽肚的快樂

這是網上照片，不寫岀處了, 因為我有其版權, 

餐檯是跟我口述+簡單手繪tailor made, 實木, 

木凳是商鋪原有設計, 也是實木, 很重手,

左下角是近乎10年前的肥(或"瘦")嘢, 

不小心攝入鏡, 當時肥嘢仍未滿一歲

估唔到我的口味至今仍有剩餘價值, 十年來商鋪不離不棄放在其網頁當宣傳照

我當時在雜誌見了一張類似餐檯, 但用polished / 處理過的木, 

不合我口味, 我愛原始、粗獷的感覺, 所以找人揾木料訂做

我是不跟潮流的阿毛，就算搬家, 這些傢俬伴我終生

果欄

活到幾十歲，從未踏足油麻地果欄，

香港我未踏足的地方仍有，不要論世界各地，

雖然已遊歷多國, 尤其第三世界，

怕老咗擔心呢樣個樣更難成行，

挑起條根想去就去，不為買生果，而為行下見下，

現在大型超市可買到的生果種類已不少，價錢會稍貴，

但專程往果欄，來回隧道費已過百再加泊車費，

又買唔到多，一人(主要我吃)點吃得咁多。

結果我仍買了以下，加上雪櫃已一早買咗夠一星期份量，
怕今個星期要吃多幾餐生果餐才可消滅晒。

B 教授

這幅舊相曾出現在去年五月頭的網誌中，

我不知細妹媽媽是否參照此相做了羊毛卡樂b

羊毛卡樂b, 再次多謝細妹媽媽!

用了細b、 細佬的灰色甩鬚, 卡樂b的鬚是白色，

要等妹頭的白鬚儲夠再換上。

此公仔多次令我哭了很久，那種思憶不能形容,

卡樂b是隻很聰明、有膽色、親人的貓貓，

親人但不是像那種任人擺佈的名種貓，

而是不怕與(陌生)人接觸、在陌生環境下冷靜摸索, 所以細妹媽媽叫佢教授, 

牠的鬼馬行徑令人會心微笑

All full of my memories of him!

攝於2015.06.11針灸完回家途中

好百掛

家中維修, 被困廚房, 嘗試開門逃走

偷飲浸提子水

不愛水兜水, 只愛雨水

愛水喉水

愛洗地水

百掛 + 隔岸觀戰

終於dum舊衣

我有一個衣櫃內的返工衫十年來沒有穿過，

大部分仍有洗衣膠袋套住，不是衣服太過時，我的衣著冇乜潮流性，

而是我過去十年已沒有再著套裝、裙，

我肯定如果有一天我搬屋或再裝修，我會將此衣櫃內的衣服全部dum晒，

但今天此日子未到，有地方放，所以從來沒有迫切性去處理，

加上情感上不捨，冇穿冇爛沒有理由浪費，總不切實際希望有一天會再穿上不會浪費。

我早上看了一文章，刺激我斬草除根，

入衣物間逐一拆膠袋取出衣服，再包裝好拿去回收箱，很重!

清了7成左右，滿頭大汗，擇日再棄

呵呵呵……dum完好滿足

Dum不是為再買新的, 喜歡minimalist

中秋快樂! 加場 "打交如打獵"

我對細b有無限歉疚，十年前肥仔的加入開始牠被打的惡夢，

每星期挨打幾次，連之後加入的卡樂b也有樣學樣，加入追打，

雖然卡樂b也會被肥仔打，所以我對細b零舍痛惜，只有牠可以揀飲擇食

惡貓的確有些"惡"磁場，

養了肥仔十年，見盡佢蝦蝦霸霸，

拮起籮柚就知佢想打細b

短片中的肥仔的行徑似足非洲草原的貓科動物獵豹、獅子的捕獵行為，

先慢慢加速步向獵物，

較接近時，揾障礙物隱藏自己，侍機突襲，

今次被細b察覺逃脫，

短片之後肥仔再追上去，想再偷襲時，

佢察覺我在牠身後，知道我會阻止，回頭望了我一下，今次決定放棄收兵。

這是肥仔的原始捕獵行為，佢當細b是獵物。

鎖事

本身不是喜歡吃萍果，但貪新鮮，我想買此新品種萍果試味，

一路忍手，因為5隻如加拿萍果size要＄80，選擇性古寒,

終於等到一天貨尾清貨，一筒＄18，

試完味，同加拿萍果有分別，有種香味，但不是好食到令我正價買入。

麻雀懂得入超市搵食

牠只能等到晚上，夜深人靜，才能坐上給遊人的櫈上洗手

另一天清早返工見到另一牠倒斃草叢中，

12 小時前見牠坐著乘涼，

似是中毒, 不是第一次見此情景。

牠是誰？

昨晚收到由義工傳來的相片，是義工在舊相片中無意中尋到，

叫我認下是否妹頭，老豆一眼話係，

謝謝義工傳來照片，等我們知道多D關於妹頭的背景。

相片攝於2012年12月11日，當時妹頭剛被cccp義工在長沙灣捉去絕育剪耳，

因為是貓女，義工將絕育後的貓女困籠留家幾天觀察傷口癒合，

一切正常幾天後放回原居地，

因為此背景，妹頭被人砍斷後腳，切肚皮才能獲救，有安穩下半生。

決定每年12月11日為妹頭生日，出生於2011年啦

10歲壽宴......兩條雞mousse零食

明天是肥仔10歲生日，只有牠一貓有出生年月日，

過往生日只同平日一樣，沒有優待牠。

人生沒有幾多個十年，多數貓更只有一個十年，

每天媽媽同貓地一樣老，媽媽也老了，

多年來悉心照顧各貓，保養自己身體，希望大家健康、活在當下！

媽媽同肥仔仍在減肥中，但我們也不太刻意減肥，所以進度緩慢，

今日優侍肥仔，

早餐後點心是兩條雞mousse 零食，

從來沒有俾咁多mousse佢吃，佢通常吃細b有剩的下欄。

遇上牠

昨天傍晚跑步時遇上牠，我不怕牠，繼續跑前，

但牠怕我，見到我後急急腳跑上路傍山邊逃避

由4月初開始用app記錄跑步，至今已跑了超過550km, 

跑鞋底已蝕了很多，遲D要更換啦，

約一個月前終於啲起心肝稍稍控制飲食，少咗暴食，

一星期有幾餐吃菜加蛋白質食物，

但仍會吃甜品和其他喜愛的食物，澱粉質更不可少，

體重下減了超過5磅，

歲月摧人，樣子、皮膚、白髮全不由我控制，

只有體重可以自己控制，但要逆轉歲月對體重、肌肉的殘蝕，絕對逆流而上

落難細路仔

親戚出門又再有求，靚仔細路又來我家寄宿，

講明困籠，肥仔的大爺、妒忌、霸道、歇斯底理抗拒脾性，冇貓有，

只有妹頭抵得諗，日挨身夜挨頭，不怕日日吃檸檬，

經過多時肥仔最終勉強收貨

靚仔已來了多日，肥仔變身保安，

日日夜夜不停巡邏，徘徊籠前fee, 鬆尾，或坐在籠前瞓，

甚至伸手入籠打靚仔，不放心地盤被侵佔

我曾放靚仔出籠行一陣，被肥仔𥄫到，

即時衝前打、咬靚仔，靚仔避走入籠避難

5.26pm, 接近晚餐時間，三貓入廚房等吃，妹頭打頭陣

一分鐘之後，輪到肥仔，大家可見分別

每次拿出此籠，思緒不斷，

此籠是2009年3月為準備收養卡樂b而購買，

去年3,4月靚仔來寄宿，卡樂b仍在生，轉眼卡樂b已離開一年了

夏日炎炎

近來天氣實在太悶熱，連早上6點跑步也頗吃力，

工作繁忙，有時過了晚上十一點才瞓，

要早上5點半起床跑步很辛苦，夜晚跑步要早收工才夠時間, 

我仍堅持戶外跑步，抗拒走入冷氣健身室, 健身會籍只用了一半價值,

放假會跑超過一小時戶外, 沒有帶水樽, 

熬過這種熱, 情緒不會因為天氣酷熱發牢騷

為了平衡環保、生活質素，我沒有長開家中多部冷氣，高峰時也只是同時開兩部,

為了毛孩, 出門前較好時間制，3部風扇輪流運作至我回家，

其中一部冷氣由中午十二時開始運作給三貓消暑至我回家，

我回家之後改開另一大匹數冷氣，

我家是用三相電熱水爐，只有煮食用煤氣，

不要以為我家電費很貴，同一般小家庭差不多。

夏日炎炎, 有乜好過妹頭吃完早餐，嘆住冷氣曬太陽洗白白

妹頭同肥仔相處有進步，熱情稍減，肥仔較易接受, 

沒有開頭咁抗拒, 見到妹頭行近即調頭走佬

鬼鬼鼠鼠...避老鼠?

武功高強、大大隻隻、不怕貓的肥嘢, 

沿著牆邊鬼鬼鼠鼠走難::mm2065 ::mm2065 ::mm2065 

笑屎我::mm1544 ::mm1544 ::mm1544 

肥嘢其實膽細如鼠

皮膚敏感困擾

細b婆婆的耳炎暫時受到抑制，

服用的類固醇份量由一日一粒減到隔日半粒，

我每日檢查佢雙耳一次，如覆發第一時間知悉

但婆婆又出現另一問題，起因是隱藏於戶外木的蚤、蚤卵子，

每年會咬肥仔和細b，滴防蚤藥水一定要做，

過往肥仔受襲情況最嚴重，可能佢血甜肉厚，毛又密，

過往卡樂b和現時妹頭完全沒有受蚤患影響, 唐貓基因係強d,

今年肥仔蚤咬情況已受控，細b就不停擴散，

早前睇醫生時問過醫生，醫生話是皮膚敏感不是蚤咬，

醫生的表情似話呢d問題好難搞，頭都大曬

搽咗anti-bacterial, anti-fungal, anti-inflammatory 藥膏幾天沒有好轉，

早前blog友介紹椰子油加精油可控制濕疹痕癢，家中有大量椰子油用作打皂，但沒有精油，我打皂早已沒有用精油、香精, 完全冇香味,

我本著即管一試，就算沒有效用，對身體亦冇害

攝於15/6晚

攝於今日

多謝blog友提點，雖沒有跟足blog友指示，

我不是另類療法信奉者，但願意以開放態度聽下試下，

當然也試過一大堆失敗例子，例如飲油、黑蒜、黑豆浸醋

十個人見到我隻腳, 都問是否被蚊、虫、等咬,

皮膚科專科醫生和我一睇就知道是濕疹, 

所以我不肯定細b是被蚤咬或皮膚敏感,

如果肥仔沒有蚤咬痕跡, 細b皮膚敏感的可能性很高

為了吃雞粒乜都肯濟

肥仔有時為了搏取更多零食，肯屈就一陣，

舉下手手，希望有雞粒獎賞，

要貓貓肯舉手, 首要是為食，肯為了吃放下貓的自尊高傲，

我曾嘗試要卡樂b、細b、妹頭學下一招半式，通通失敗，

因為㸭們不夠為食或者沒有肥仔的戇直

戇直的肥仔一直望住我吃雪條五分鐘，

不停吞口水, 希望有份吃,

我冇啋佢

直到我吃完啦........

終於集齊

只此一次，好快又散水

睇下妹頭瞓得幾放鬆

D爪放開晒，睡姿豪邁

耳炎四度覆發

繼農曆年前我岀門突然四個月內第三次右耳發炎，搞到要漏夜揾cat sitter上門滴ear drop,

細b今個月頭再次耳炎覆發, 發現得早,

 睇完醫生, 吃咗幾日抗生素、類固醇 + 滴耳水, 情況已受控，

二月的第三次覆發已知道難搞，種菌又冇菌, 足足滴足一個月耳水才停止，以防死灰復燃, 但也只維持兩個月左右

之後日日用醫生俾的洗耳水日日清洗, 正因日日洗,一覆發即知, 

今次的療程要更長, 吃足兩星期high dose抗生素(但冇疴爛屎, 好勁!)、類固醇, 

之後減低類固醇份量維持一段長時間, 希望減少覆發。

細b自少揀飲擇食, 所以體重一直備受各獸醫讚賞，

出門見醫生不喵一聲, 見到醫生又很合作,

以一隻12歲多摺耳貓, 算是少毛病, 是牠的幸運，也是我的幸運，

一生唯一不幸是遇上隻肥貓間中蝦佢。

我自己由二月岀門間不知接觸何物, 引發右腳濕症，

初睇中醫多次冇好轉, 轉睇皮膚專科，吃咗antihistamine差不多個半月才受控, 搞到返工成日眼瞓, 好痛苦，療程仍繼續中。

兩情相悅？

兩情相悅？
錯覺？

這畫面是偶然，
每次我準備離家，肥仔一定未走先知，

跑到門口曬腩，希望我會搓幾下腩、又拍打一輪才滿足，

妹頭一向坐在遠處望著，不敢加入，

直至有天見肥仔碌來碌去咁爽，放下介心行近加入碌地沙，

開心見到妹頭慢慢繼續放鬆做家貓。

此幅相清楚見到妹頭肥咗好多和後右腳被截肢情況，

為了幫妹頭減肥，妹頭現在跟肥仔一樣吃處方減肥糧，

因為牠完全不吃濕糧

> 100km accomplished in 4 weeks

4星期內跑咗超過100km,

不是103km, 是113km才對，

因為有兩次沒有帶手機跑，

咁落力，有冇減磅？

冇吖::oo2051 ！因為我吃番咁多甚至更多::kk3202 ，

就算不減吃, 照計算, 113km也消耗近2磅豬肪

愛吃又大吃，很難見到效果，

情願保持運動也要吃，長期吃少D::ee5033 我會不開心，

所以繼續運動、繼續吃::mm1963 吃::mm1963 吃::mm1963 

今天的體重比20+多年前增加了8磅左右，

要減幾磅不難, 只要我稍稍減少進食份量，

但我越老越不想減少進食份量, 要活得暢快

4.30動保

今日下午跑完步自己一人往中環參加港澳台三地同步動保聚會、遊行，

過程很和平，沒有激情

不算大多人參加，主辦單位數字是1400人，碰到早前興趣班的一個同學

動保是個政治議題，困難重重，亦代表著文明社會進化的一產物，

我只是單純希望動物受到尊重，無良繁殖消失

雖然我的日常工作大部分時間是與文字、條例打交道, 

但相信大部分人如我一樣沒有閱讀法例139b的條文

可透過以下兩段video簡單了解139b,

出席者除了有幾位立法會議員、區議員、前藝員、政壇新人，

不需要認同各政治人物的政見，

但動保是一政治議題，無可避免要借助政治人物去爭取。

部分參加者帶同狗狗同行，帶貓的見到有兩位，

貓貓見慣場面，表現輕鬆自如，

我有幸與其中一貓一起行，佢叫貓豬，男仔，幾健碩

迫爆洗白白

上星期放咗肥仔終極挑戰縮肉功

其實佢不是靜坐鞋盒中

而是洗白白

有片為証, 佢好....好...好愛細盒架

自從卡樂b走咗後，每次我早餐吃蕃薯，就得肥仔一個侍候，

等吃蕃薯皮::mm2065 珍珠冇咁真::mm1571 

不要誤會，我吃蕃薯做早餐唔夠飽，之前已吃咗一muffin

另一款至愛早餐，不過一星期只可一兩次咁喪吃

迫瀉

好耐以前...........

單拖A4紙盒只有幾日壽命::kk3187 

其實不是瞓紙盒，是瞓紙皮

之後諗到將兩個A4紙盒重疊令紙盒不輕易成為紙皮::ww6023 

但逃不過紙盒變型由長方形成為菱形

一半身在紙盒外仍不放棄::ww6021 

終極solution::ww6080 三重盒

人貓開心::mm2254 

唔使阿媽成日執紙盒

終極挑戰縮肉功