昨晚跑步,見到一隻貓跟著兩個菲傭行,好奇怪,
問兩個菲傭隻貓係唔係佢,佢地話唔係,佢地正回家,
隻貓跟著佢地過馬路一路行,
貓好友善,完全不怕人,又有頸圈同一牌仔,
黑紋紋睇唔清楚牌仔上的字,可以俾我手抱,
行咗一陣,佢自己掙脫落地,我諗住捉唔番啦,
佢繼續一路行,我跟著佢,可能佢自己越行越驚,
之後再嘗試抱起佢,就咁手抱回家,
是男仔, 約6個月,很瘦, 未絕育。
回家後將佢困籠, 俾水同貓糧佢吃, 諗住聽日貼街招幫佢搵番主人,
如果沒有人認領, 都好頭痕,
沖完涼再仔細除下頸圈望下個牌子上的字,
有一組數字,不知是chip no. 或電話號碼,
膽粗粗當電話號碼打, 接聽是位外籍女士, 正駕車回家中,
證實是她的貓,
結果隻貓在我家逗留兩小時, 漏夜送隻貓回家,搞到12點才瞓。
這幾年跑步, 除了昨晚執到貓,
上星期執到mazda車匙一條 (冇法找到車主, 棄置了),
之前執過3張紅衫魚、一張有近$200八達通卡, 全買了貓糧放在愛協捐俾cccp義工。
仲以為有新貓頭
回覆刪除返屋企都好
鬼婆太粗心大意
時間唔夠用,邊敢加貓,兩隻灰貓已雙位歲數,如有長期病,要花心神照顧
刪除送貓頭回家,先知鬼婆+其工人採用半放養方式,但估唔到此貓會離開屋苑跟人走、過馬路去咗另一條街,香港始終不是外國咁
好在有你, 唔係呢位貓頭都唔知點算
回覆刪除鬼婆係香港當好似你度咁半放養
刪除好多嘢執呢,個鬼婆咁放養唔得呢,有無同個鬼婆講
回覆刪除鬼婆話隻貓好friendly, 估唔到跟人走咗,會留佢室內,我去到佢屋企,見有另一隻貓也在放養中
刪除真好彩,好在有妳咋,貓貓可以返屋企啦
回覆刪除唉!個鬼佬放養佢,難保下次走失有咁好彩
係香港的外國人有唔少採用半放養形式,我經常碰到,適合與否要睇貓性格和社區環境,eg愉景灣(較為closed community) 會合適的
刪除貓貓真好彩遇到你, 佢咁FRIENDLY, 仲會跟人走都幾危險喎
回覆刪除隻貓真係好乖,我就咁手抱回家,又隨陌生人過雙線行車的馬路,向緊反佢屋企的方向行
刪除好彩遇到你咋!
回覆刪除隨緣幫助,腦海中也閃過如果沒法幫佢找回主人點算
刪除好彩遇到妳
回覆刪除大團圓結局,路過的話會睇下鬼婆有冇繼續放養
刪除我曾有外國家庭鄰居每日放隻貓外出一陣,隻貓竟跑來坐在我家門口,一開門被肥仔見到,肥仔即時fee同粗尾
我始终唔赞成放养,太危险
刪除大家文化習慣不同,外國人在家鄉大都放養貓, 來到香港照辦煮碗, 正如中國人移民西方國家仍保留原有習慣,我可以接受在較封閉的社區放養, 但此種環境在香港不多
刪除剛才跑步刻意改路線,經過鬼婆家, 不見有貓, 希望佢已將貓放回室內
刪除咁容易就可以抱回家,太危險la > <
回覆刪除佢喺妳屋企又好自在喎 XD
細b婆婆也不肯被陌生人抱, 呢隻靚仔被我抱住行了好一段路, 佢對人全無介心, 來到即開餐,又咕嚕,好有卡樂b特徵
刪除我估計鬼婆工人冇乜理d貓, 瘦蜢蜢
喺香港真係好難放養... ... 太危險啦~~
回覆刪除行經過鬼婆屋企幾次,唔見到有貓,應該冇再放養
刪除真係有驚無險...
回覆刪除其實頗危險,隻貓正向牠家相反方向行,靠自己冇可能回到家,多得多事的我
刪除