引導+訓練進行中

長期blog友都知肥仔的保護意識有幾強，

過去同家中兩貓不合，更會使用武力對付同類。

妹頭來到第三日，因為要清潔貓籠，放牠出籠鬆下筋骨，但關上玻璃門，

怎知肥仔不知何時已在門口守候，

當肥仔見到妹頭時，一如所料，除了fee, 更哀叫得很淒涼，

不知如何形容，有如小孩踀地哀哭。

妹頭適應能力超高，來了幾日，雖然仍對人有些少介心，但大部分時間很溫馴，

你可能不相信這短片是攝於牠到家的第四晚，非常開心感動，牠咁快修復對人信任。

妹頭住院三星期，

據診所姑娘話，妹頭一路不用沙盤大小二便，全痾在鋪給牠瞓的毛巾上，

我探過妹頭三次，發現診所放置沙盆在籠的前端，

妹頭自受傷後飽受驚嚇，長期躲在籠後角落，不敢行到籠前解決大小二便。

妹頭未到家時，我已想辦法避免發生在診所的情況，

準備了一個比妹頭身形大的兜做沙盆，另一啱妹頭身型的兜給妹頭瞓，

果然妹頭一入籠就很快選了細兜瞓，第三日已懂得去大兜解決大小二便。

有時見網上養貓新手苦惱貓不懂上廁所，

其實大家應該多D用'用家'的心態去計劃，避免很多事後行為糾正。

另一方面，肥仔由第二日抱佢見妹頭，再獎賞三文魚零食，

怎料餵食肥仔嬲到將我放入牠口的三文魚吐出，調頭跑出廳。

我每日早晚用零食引肥仔行去見妹頭，佢情願唔吃，也不肯見妹頭。

但我的耐性終於戰勝餵食肥仔，佢終於忍唔住，

我就幾步放一粒零食，引肥仔一步步行近妹頭，到了貓籠前，再獎勵佢，妹頭也有份吃。

這是我從動物行為訓練師學到的，早晚要訓練肥仔各一次，

益咗佢，減肥期間仲有咁多好嘢吃，這當然只適用於餵食貓，細b婆婆唔啱用啦。

這是昨晚所影，兩貓又隔門相遇，肥仔反應已沒有第一次咁激烈。