卡樂b半年覆診

一個月前預約今日帶卡樂b覆診、補充每日服吃的腎病藥，順便帶細b婆婆年檢打針。

去程左右肩各一貓乘搭公共交通工具，細b全程沒有哼一聲，上了車就閉目養神去，

卡樂b細細聲叫了幾聲，安撫了幾下又收聲，

只有牠們這樣合作才能乘搭公共交通工具。

卡樂b至今病況穩定，不用加強控制病情的藥，

醫生告知有只更強的藥面世，如病況惡化，可以加入新藥控制病情。

卡樂b不愧是隻公關貓，連護士、醫生都頂不住佢的熱情招呼。

細b健康壯態好好，我直覺牠是三貓中最好，雖然年紀最大。

我不好意思在診所影相，怕影響醫生、護士工作。

睇完醫生，好在爸爸公幹回港車埋我地三仔毑返歸，

一上車冇得午睡的卡樂b疲態盡露。

順便由診所行去買BBQ介紹的檸檬醬，加買一樽排骨醬，

啱晒講效率、又唔多識煮食的我, 

設有$1回樽服務，不是因為＄1，而是少一個玻璃樽去了堆填區，

我like, 會拿回去循環再用。

其實我一向有做玻璃回收，在居住地區未有玻璃樽回收箱時，我會攜帶洗乾淨、去除了標貼的玻璃樽往返工地區的收集箱棄置，現在我居住區也有玻璃收集箱, 不用我再king king kong kong 運樽。