妹頭、肥仔相處

妹頭日日追住肥仔想同佢做朋友，肥仔無動於衷, 請妹頭吃檸檬，

搞到妹頭有時心灰, 自己一個貓發呆

睇下妹頭幾熱情, 肥仔好像轉身向我投訴妹頭又挨身挨勢

肥仔近幾日情況穩定，精神狀態ok, 

因為服用抗病毒藥物，繼續疴爛屎, 

口中一潰瘍遲遲未好，如吃多幾日藥仍停滯不前, 

預約了帶佢見醫生以防病毒死灰復燃。

婆婆兒時由寵物店回家不久即左耳發炎, 估計由母體傳染, 

兩個多月前右耳發炎流出液體，睇完醫生，服用兩星期抗生素加滴耳藥物康復，

上星期再被我發現死灰復燃, 暫用滴耳藥物早晚治療, 

如沒有好轉, 睇來要同肥仔一起見醫生。

婆婆、肥仔已進入老年期，要多留意佢地行為, 病由淺中醫。

婆婆成日瞓, 難得瞓醒好精靈給我影相，買過多款衫, 好睇不實用，

最終認為婆婆著緊呢件最實用保暖，婆婆20度照著住唔除。

肥仔有好轉

肥仔吃咗一星期抗病毒、抗生素後, 情況有好轉, 沒有流口水，肯吃嘢,

但吃罐頭只吃少少, 剩下的要我手餵, 咋嬌?

抗病毒、抗生素副作用是肚疴, 試過一日疴三次爛屎, 

我要比正常灌多2倍水, 以防佢脫水,

日日打開佢個口幾次, 觀察舌上ulcer, 喉嚨狀態,

ulcer已消失，喉嚨附近仍有紅點,

打電話給診所問下使唔使再帶佢見醫生，醫生可能體諒我們路途遙遠, 上次call車, 車資近$900, 

今次叫我去取藥, 就算我一人去取藥也很花時間，

決定叫一住在診所附近的同事幫手取藥，下星期一交給我。

肥仔大部分時間就是這樣卷埋係佢個大兜瞓, 在這里瞓, 妹頭沒有機會煩到佢

妹頭很喜歡跟著肥仔，挨身挨勢之餘，仲不停喵, 肥仔有時覺得好煩, 行開又再被跟著，最後要發爛渣fee妹頭才能甩身

題外話, 我家鐘點是某寺廟義工，寺廟本養有2貓2狗防鼠、保安, 

多年來不時有人遺棄寵物在寺廟, 摶善信收留, 

早幾個星期有一摺耳貓被遺棄, 善信帶了摺耳貓去診所檢查, 發現有腎病等, 

擔心有沒有人肯付出金錢、時間收養, 最後好彩有一診所客人收養, 

近日又再發現一不怕人的大隻虎紋貓, 唉! 我望了手機內相片，似是一英短仔仔, 

寺廟主持今次不再肯出錢給善信帶貓貓去診所檢查，怕寺廟成為遺棄貓貓的場地,

太多自私不負責任的人

肥仔病了

肥仔流口水、胃口差, 吃不完早餐所配給的20g干糧,

嚇到媽媽，肥仔竟會唔吃嘢,

牙肉、牙齦沒有紅、發炎跡象, 

更嚇死我，可能是更可怕的可能性,

即打電話帶佢見醫生，預約到那間診所就去那間先。

自己炳埋

流口水

第一個醫生診斷同我差不多, 口腔狀態不太差, 似乎不至導致流口水,

只見左喉嚨邊有些少紅, 但肥仔卻是右邊流口水, 

俾了10日抗生素、些少止痛藥給肥仔,

吃了多日情況沒有好轉，反而嚴重了, 

只怕不是病菌、病毒感染, 

病菌、病毒感染有得醫, 怕是其他原因，

問了拯救妹頭義工義見, 決定帶肥仔跨區過三條隧道往一新界診所求診, 

做了血液測試、x-ray, 排除了肝、腎、心臟、腫瘤、口水腺結石.....

應該是病菌、病毒感染, 如果吃完抗生素、抗病毒療程冇效, 要做histopathology, 之後可能要使用類固醇,

肥仔正在療程中，希望不用行下一步治療。

另外醫生順便幫肥仔擠肛門腺, 擠出一大堆牙膏狀屎屎, 我即時縮頭, 原來肥貓懶, 連大便也冇出全力疴, 搞到肛門腺積聚了屎屎::mm1673 

翻抄yahoo時代的blog

今日某報頭條觸動我當年痛處, 一女子懷疑被盜身份証導致損失808萬, 再次提醒大家遺失身份証，不能掉以輕心。

copy & paste 我當年的yahoo blog 

這女子如有做以下第二、三課就不會招致損失。

*************

我最近經歷人生第一次被偷銀包，仲要係家中被偷 ::mm2169 ::mm2169 ::mm2169 

我很少遺失貴重物件，記得另一次是十多年遺留部菲林相機在寶蓮寺, 醒起返去已被人取走。

我算是個小心的人, 但再小心亦有盲點, 盲點就是在家, 冇介心, 所以中招。

當天因家中有維修工程, 需搭一小型棚架，上午有兩搭棚工人來, 一個在外墻, 一個在室內負責傳遞竹枝、工具等, 約中午時完工走了。

接近中午時份有大判和他的一位伙計上來開工至傍晚。

我一向入屋就將手袋放在餐枱上，因有陌生人, 我將手袋拉連拉上。

兩個工人傍晚離開後，我趕往中環吃晚飯，上了巴士遍找不到銀包, 唯有落車回家找，當然找不到，晚飯亦要取消。

思前想後，當天有一搭棚工人曾在屋內行走，由一房去另一房, 冇憑冇據, 我唯有當人生另一教訓。

即時打電話取消6張credit card、1張debit card, 向公司報告不見了大厦non-office hours 的access card。

人生第一次入警局.........報失身份證, 原來入境條例已修改，遺失身份證無需要先報失再補領, 可直接申請補領。 接待我的警員很好人，教我等一星期後再去補領身份證, 因為如果賊人有良心的話，會將身份證、回鄉證投入郵箱，政府有一部門專責處理此類遺失證件, 假設賊人即日投入郵箱, 約5個工作日後才有人通知我。這是我學到的第一課。

第二課.... 補領完身份證, 去各開户銀行留一副本，避免有人行使遺失的身份證冒認本人。
第三課....更改各開户銀行、信用卡簽名式樣, 避免被人冒簽, 因銀包中有我簽帳的slips同多張空白支票。

第四課....更改所有提款卡、電子銀行密碼

第五課....dick 起心肝再次簡化、精簡所持有的credit cards、銀行户口

第六課....最重要.............一定要揾人呻下以舒解心中抑鬱

*********

無厘頭加插三貓近照