2014年2月20日星期四

一刻都不能凍

細b 婆婆自小怕凍,冬天一定要穿衣,
近兩年再加暖水袋,
一件衫著幾個月,到天氣暖咗才除下去洗,
哈哈……佢阿媽我好環保,一年只幫佢換衫、洗衫一次。

鐘點來幫細b婆婆清潔個竇,
 佢要起身冇得傍住暖水袋, 
佢即刻過檔去Now TV 解碼器上暖pat pat 同四腳, 阿女皮下脂肪少, 真係好怕凍。


輪到我放蚊時間:
放完大假返工揾$$, 碰上兩年來第一次感冒發岀來,  返工第一日, 老細一手俾開工內是, 隨即講我放假期間,  有新任務ssss, 等我埋又啃又有排做, 足足一星期冇做任何運動,
跟住醒埋我下月出差開brain storm meeting
討厭、討厭、討厭、討厭、討厭



2014年2月11日星期二

一座山



出門一段時間,想著細佬冇啖好吃會瘦番D,
點知佢又肥咗少少,我不在家,佢更加冇嘢做,唔係吃就是瞓。

這天佢獨自坐在窗邊望外,我望下窗外,冇雀仔,風都冇,佢傻更更唔郁望住窗外成個鐘,唔知佢諗乜。



2014年2月5日星期三

旅遊口水花

每次外遊都給我心靈、精神、身體休息, 如果選擇放大假留家休息只能達到部分成效, 因為身在外地, 平日我可接觸的溝通途徑或別人可找到我的途徑幾乎全中斷, 就算買了外地的數據咭, 也不是隨時隨地有3G, 外國地方大, 覆蓋率不是100%。

人在外地, 我吃得比平日更多, 瞓得特別多, 因為人處於放鬆狀態, 同留港放假有不同。

目的地不是最重要, 最重要是同行者和旅途的經歷, 近年岀外, 盡量避免太多強國人的熱門目的地, 但仍會碰上。

多年來去了不少國家, 世界這麼大, 很多遠途國家多數一生人只能去一次(受制於人生有限、體力不繼), 但我很少會去完一地方, 同自己話我以後不會再來這國家, 世事難料, 無謂斷自己的旅遊路。暫時只有一國家令我說了不再重遊...........印度。

足足十年前, 我去了泰姬陵、克什米爾等, 歷史遺跡固然值得一遊, 十年後我對曾遊覽的歷史遺跡印象模糊,  但仍清楚記得的卻是當年旅途經歷, 令我對此地方極度反感, 只列舉三項:
1. 飛機到了新德里機場等侯轉機期間, 我去了機場一檔口買咖啡, 印象中價錢是單位數rupee, 我給檔主100 rupee, 期望找回9x rupee, 結果檔主找給x rupee, 我問他取回90 rupee, 他打開柜筒給我看, 然後說, i have no change for you

2. 當年外國人居住的酒店保安很嚴, 住客入酒店要好似入機場禁區咁接受檢查, 避免恐怖襲擊, 我們在其一城市入住Sheraton Hotel, 當在lobby飲緊welcome drink 等候房間分配, 我老公除下一牌子冷衫放在梳發上, 拿完房間鎖匙後直上房間, 忘記取走冷衫, 上房後發現我下樓想取回, 卻失蹤了, 走去問酒店職員, 得到的回覆是冇人拾獲, 我只好回房間, 越想越憤怒, 酒店保安嚴謹, 沒有外來人可進入, 我於是再次下樓, 今次我改變面孔, 我向職員索取Sheraton Hotel 管理公司的聯絡方式, 我告訴職員我會寫信去管理公司講述此次失竊事件, 跟著回房間, 第二天早上我們落樓外岀, 職員告訴我已找到冷衫, 入內取回給我, 冷衫用一透明膠袋載著, 此冷衫至今仍在我家衣柜。

3. 在Sheraton Hotel 用USD 找換 Indian Rupee, e.g.  標價打岀 USD100 vs Rupee1,560, 我只收到Rupee1,500, 職員解釋電腦壞了, 岀唔到收據, 我只好啞忍, 另一天我見另一人找換 rupee, 百掛企在柜台邊睇熱鬧, 我終於明白點解沒有收據和少咗60 rupee, 職員是從柜筒中自己銀包取出rupee跟遊客對換。

其實整個行程這類的損失可能只是幾百港元, 但諷刺的是我輸係HK.00005的錢都沒有此幾百蚊深刻。

同樣我對於曾遊歷的伊朗地方記憶不多, 但一路記得當地普通老百姓的友善、純真, 早幾天報章報導了一名深水埗孤兒隻身踩單身遊歷各國, 他旅途上最壞和最好經歴的國家同我不謀而合。

http://hk.apple.nextmedia.com/realtime/news/20140131/52146152