回顧

Oct 2011 - 確診７個月後, 鼻子仍紅卜卜

Sep 2012 - 確診1年半後, 極靚仔、自信

Sep 2013- 確診2年半後, 仍是飽滿毛蟲一條

Nov 2014 - 確診3年半後, 體重開始逐漸下降

Apr 2015 - 確診4年零一個月

很愛很愛很愛很愛很愛很愛此幅相, 

是其中一幅最愛

30 May 2015

We've made it

更新一下卡樂b近況，

精神唔錯，體重輕微上升，

雖不能恢復一年前4.5kg, 維持到現時體重對一末期腎衰竭貓已是一大挑戰，

周屋巡邏，天氣回暖，牠不必長期黏在modem 或router 上取暖，

大小便回復正常，沒有再瀨尿，

但不肯自己吃腎病糧，也不吃牠曾極渴望吃的罐頭，

只肯自己吃零食，其他所有要我手餵，

每日需要花很多時間照顧牠，見到牠體重穩定，周圍巡邏，懂得撒嬌，已心滿意足，

即使要兼顧費神工作、定期運動、家務,

亦只有我一人能手餵牠和塞每日9粒中、西藥，

不能離開香港，工幹也要say no, 

過去兩個半月，每星期攞半日假帶牠去針灸，我老細也要放人。

聽說此日本神奇碗令貓地飲水量大增, 即管買來一試, 
只見卡樂b捨旁邊幫趁開的水兜轉用神奇碗, 對細b、肥仔似乎冇乜吸引力。

細b、細佬身體檢查

今日帶細b、細佬去做身體檢查，

套餐包括驗血(17 profiles)、驗尿、驗屎、打疫苗、量血壓.....等濕碎項目,

惡覇太耐冇入貓袋岀街, 入袋後大叫救命兼瀨尿, 結果抽不到尿化驗,

細b全程冇哼一聲, 好淡定, 但因為早上剛去了小便, 也抽不到尿化驗,

血壓也沒有量, 因為貓地岀街多數緊張, 量度岀來的血壓會較正常高==>即不準確

兩個老人家驗血、驗屎報告all passed,

分別11歲和9歲,  每星期擦牙一次, 日日吃牙石粉, 

仍有些少牙石, 但不需要洗牙, 

醫生話細b婆婆的牙齒比肥仔靚, 我肉眼也分辨到。

惡覇要減肥, 我一早預咗, 醫生建議惡覇轉吃處方減肥糧, 

廣告話：

88%動物兩個月內見效, 調節食慾、減少炎症、改善能量代謝

好似賣女人減肥廣告

此糧纖維較多, 大便次數會增加，

 轉糧當然要溝糧慢慢轉, 

回到家, 我倒一小碟新處方減肥糧給肥仔，冇溝糧, 

佢兩分鐘清碟。

唉! 咁點樣減肥?

平行四邊形 + 感謝

細佬已逐漸發展成為平行四邊形，

其實細佬好易養，唔揀飲擇食，

減肥糧也吃得津津有味，碟碟清，絕不浪費，

結果造就平行四邊形。

近來因為照顧卡樂b比以前更花時間，給細佬的時間少咗,
細佬也沒有抗議，吃飽不是呆坐就是瞓。

在此要再次多謝blog友meimei mew的小建議, 

佢在我早前針灸(二)篇blog建議我帶個箱給卡樂b坐著針灸, 
以減少佢周身郁, fing甩D針, 

結果我帶了一A4紙箱蓋, 效果非常好,

連續帶了幾次後, 早前獸醫同助護主動問我要不要試下佢地提供的箱, 
我樂意勇於接受嘗試。

原來助護專登去ikea買了一高身不透明膠箱, 再找人用電鋸將一邊切得低d, 

三邊高d令貓更有安全感, 低d一邊可以令貓看到外面,

 這樣我唔使每次一揪二拎帶住卡樂b去針灸, 個箱也可以給其他小朋友使用。

去了多次針灸, 獸醫同助護部都很愛卡樂b的親陌生人性格, 每次落針前, 摸+惜惜佢一輪才落針，令氣氛緩和好多, 睇得出他們是有心之人。

攝於兩日前針灸中, 安靜合上雙眼, 應該很舒服。

絕處逢生

寫上一篇blog時, 卡樂b仍大部分時間迷迷糊糊, 

二十幾度天氣, 黏住modem做貓, 我回到家也不肯起身迎接,

我和爸爸做了最壞打算, 預計佢不久貓世, 我亦問了義工那間寵物火化較好,

當時卡樂b進吃針灸獸醫建議的益生菌已多日, 不見有顯著改善,

但幾天後, 情況有明顯改善, 尿毒症得到改善, 精神咗, 懂得去廁所疴尿,

我和爸爸好開心，知道佢又捱過了一關, 爸爸話佢命硬,

現在卡樂b 只肯自己吃零吃、飲罐頭汁, 不肯吃腎病糧、罐頭等,

除了俾多d零吃佢, 牠總不能靠零吃維生, 每日我早、晚手餵約150粒腎病糧, 

不要以為很多, 我量度了, 約30g。

照顧卡樂b的功夫、時間比之前多了, 

除了餵食針灸獸醫所開的中藥粉、益生菌, 同時西藥、蛋白、杞子水繼續吃, 

中藥和西藥需要預先準備，

每日服用中醫粉要預先量好重量裝入吉的膠囊, 一星期份量的準備可以用上一小時, 

只能在週末放假做這些功夫,

做得包裝多, 對市面上各牌子的蟲草、靈芝膠囊更深認識, 

知道那一牌子"水份"多, 即膠囊內藥粉少, 有d牌子可相差50%, 

表面上睇一樽有幾多粒膠囊是錯覺。

一粒細小的胃藥(給人吃的)要分6份, 精神不集中做不了, 

切割完要用pill pockets 包住, 因為實在太細了, 不包住很容易成粉。

經過兩星期努力，體重停止了８個月來不停的下跌, 稍稍回升100g, 

此兩幅相攝於昨天早上, 卡樂b正享受日光浴, 雖然佢不是如相中咁時時咁精神, 但已進步很多，我不知道卡樂b仍可生存幾耐, 只望牠此貓生與我共同生活幸福!