今日帶細b見醫生，症狀顯示細b腎臟已經失去功能，
口腔大面積潰瘍，已經沒有什麼可以做的，
我選擇了止痛藥、止嘔藥，
向醫生表示我會停止化療藥、類固醇，
因為攞佢命的不會是癌症、係腎衰竭，
含淚約了醫生另擇日子送別細b，我係時候放手。
昨晚細b大嘔吐，吐出晚餐、藥、水，接著肚痾，
我之後冇再餵食，
too stressful for her and me, 只餵了些少水。
爸爸話細b一生很幸福，
唯一不幸是遇上肥仔呢隻惡霸, 間中被打。
其實自6月中轉用處方腎罐之後，細b已經停止自己進食，
開頭可能不喜歡腎罐，盡管買齊市面上所有味道的腎罐，
之後應該已經沒有胃口，
只靠我每日兩次將腎罐加水打成mousse 狀，用針筒餵。
由2017年頭確診心肌肥大症到2018年8月確診淋巴癌，
佢一一捱過，心臟病到今日不用食藥，
化療、服用類固醇兩年多沒有一日停止過，
雖然淋巴癌已算康復，正當開心之時，腎衰竭突襲，
而且很急，只是三個月時間，
雖然每日服用多種中藥、西藥、打水亦不能減慢惡化速度，
醫生話長服類固醇對其腎臟、心臟也有一定影響。
見完醫生回家, 給細b索下貓草減壓，
外表上, 唔似一隻要再見的毛孩,
細b, 媽媽不捨放手, 但都要放手。
肥仔也在6月確診腎衰竭, 轉食處方罐、糧, 加上服用中藥、supplements, 情況暫受控, 但餓底戰鬥力大不如前。
