休blog

上篇blog寫在9月27日，9月28日下午我專程往金鐘，站在海富行人天橋上遠眺學生羣眾與手持盾牌的警員對峙，高溫下雙方互不退讓，羣眾不停叫口號，以寡敵眾的前線警員不好受，金鐘商鋪的清水被清倉，只剩有味的飲料。

站在我身旁有路透社記者、一家三口，父母、兒子，母親跟我聊了幾句，她說得很含蓄，"我地有家庭、有份工，只能站在此支持"，當時天橋上已很多人，大家一聽到記者想拍攝，即時讓開等記者可以站在欄桿前拍攝。

我傍晚離開時，干諾道中、金鐘道已被人羣佔領，汽車不能通過，但仍未施放催涙彈。

從來不公開談論政治、個人立場、個人對一些一般時事的看法、家庭事、工作煩惱，FB 更加不使用，主要用於跟進幾位貓義工動態，偶爾支持下，或在別人blog處寫幾句觀感，並不是沒有立場觀點、感受、情緒，性格徒然加上保護意識，向來只寫三貓的無聊低能事、煮飯、焗蛋糕、曲奇，此時此刻不想再風花説月，暫別。

尋細佬、細b + 細b被驅趕

近來氣溫、濕度回落, 舒服很多, 冷氣開少了,

三貓已有多個月冇得岀露台索下新鮮空氣,

點解我用"索"? 的而且確是"索", 

場面幾搞笑, 一放牠們岀外, 好似放監咁, 

仲要用鼻 + 伸長條頸 不停"索索"聲吸氣一段時間,

兼不停碌地沙反來反去, 反肚再反肚.......

我夜晚回到家, 暫不開冷氣, 給三貓索下氣開心下,

刻意不開燈, 卡樂b淺毛色好易辨認, 細佬、細b較難辨認。

細b本來在紙盒中瞓, 社團大佬架到, 已識趣自動起身讓位::vv4017, 

點知社團大佬嫌佢不識趣仲站在紙盒邊唔走, 起步驅趕佢::vv4002 ::vv4002 ::vv4002 

難得合照

俾人話我偏心, 好耐冇岀細b auntie 玉照,

今次岀雙b (細b + 卡樂b)合照, 雖然不是一起坐, 已經是最近啦,

要知道我家三貓互相唔頗, 一近坐就擦岀火花互片, 所以話難得合照。

細b早前左眼下生瘡, 醫生話唔緊要,

粒瘡時大時細, 相信同佢左眼淚腺自４個月大完全閉塞有關, 佢一日基本上只吃一餐罐頭, 幾粒干糧, 體重十年不變, 零運動, 痕死我。

千年貓王

卡樂b這幅相唔知點解令我連想起細個睇的卡通片"千年女王",

可能是頸上發泡膠似千年女王的造型。

卡樂b好秀氣好靚仔::_343 ::_343 ::_343 

肥仔就欠缺一份秀氣, 傻頭傻腦::kk3050 

好無奈.......經常被阿媽整蠱, 逆來順受

頸上發泡膠來自此盒南韓提子, 價錢是日本貨的一半, 介乎日本貨和台灣貨之間, 個人認為水準比得上日本巨峰, 皮沒有台灣巨峰的澀。

醜態

細佬不是在賣萌, 而是瞓覺中, 仲要露岀長長彊屍牙

佢的彊屍牙長到冇貓有

轉姿勢, 雙腳凌空, 唔攰架?

半開眼 + 雙腳凌空 + 長長彊屍牙, 超核突::kk3145 

同場無厘頭加影今早第一次焗的日式芝士蛋糕

合格! 70分啦! 要研究下點整得texture 幼細d、氣泡細d::mm1581 

Today's lunch::mm2292 

屢敗屢試

近幾星期週末忙於學整戚風蛋糕, 

一向認為有難度, 所以從不打算整, 

源於有天去補充烘焙材料, 排隊等候付款時, 見貨架上有盒班蘭蛋糕粉,

 一向很愛班蘭味的食品，由班蘭雪糕、班蘭加也(雪櫃常有一樽)、班蘭蛋糕、班蘭千層糕..... 乜都愛, 

見說明書講解很易整, 明知多化學成份, 買來一試。

製成品.....我想因為有很多化學膨脹劑, 冷卻後沒有塌下來, 

鐘點竟說好好吃::_364 

試過預拌粉, 第二星期試全天然兼冇油配方, 

班蘭汁由新鮮班蘭葉搾取, 多好多工夫, 

比較人工預拌粉, 沒有鮮綠色, 可知市面上的班蘭蛋糕一定用人工色素、香味，

製成品一般般,  冷卻後塌下來, 味道ok啦

再試另一加油配方, 出現底部較實的情況

玩了三次班蘭蛋糕, 今日做香蕉戚風蛋糕, 

味道very good, 但冷卻後中間下塌、底部過濕

每次失敗, 我都嘗試揾原因, 下星期再出擊::mm1549 

整咁多蛋糕, 雖有瑕疵, 但絕對吃得落口, 

點樣消滅?::mm2065 

 我雖然好拆得, 但不可太放縱, 近來逃避上磅，

鐘點一家、保安員成為我試食員。

肥手

這對交叉肥手實在太得意, 忍不住要影低, 肥手很有用

用來墊住大頭覺覺豬, 隨處都可以瞓得著

肥仔: 媽媽, 次次人地貓瞓覺, 你都要搞搞震噪醒貓

自欺、欺人

早前我整咗檸檬鴨, 

考慮了一陣是否寫此篇blog, 我不是想教點整檸檬鴨, 也不是賣相不佳, 而是想講我整完後, 難下嚥, 因為每次放入口, 也想起砍鴨的情形。

這是我十多年來第一次砍未煮的原隻家畜, 頂唔順, 由廚房檯砍到地上, 刀法不準, 覺得很血腥,

對上一次是十多年在街市第一次買生鷄, 本來站著睇劏雞, 一見血即頭暈, 只好離開。

我以後都係買已處理的肉類, 自欺欺人, 我並不是想觸發有關討論。

我只吃雞、豬,   牛、羊不沾, 魚類只有岀街吃飯才會吃些少,  純素吃有難度, 身體的確需要一定的動物蛋白, 可以做的是減少消耗肉類, 只取所需, 不要浪費, 超市的一包豬扒４件, 我一人吃足4餐, 有d人不能每日午、晚吃同類食物, 我可以連續4餐吃同類食物, 為的是省時、省功夫。

我家鐘點是個全素食者、老香港、虔誠佛教徒, 緣分令我找到她, 自問不能做到素食者, 我問她點解成為全素吃者, 她只簡單一句"萬物皆平等", 很慶幸找到個誠實可靠的幫手, 沒有人是完美, 誠實一樣已足夠我包容她的一些小缺點。

貓地牙齒保健

門牙咁核突唔整齊, 邊隻貓? 肥仔是也,

肥仔BB時, 醫生已幫佢磨牙, 磨短牠右邊臼齒, 

因為太長, 合上口時經常自己整傷牙肉致岀血, 

可能亦因為牠有些少倒牙, 門牙長得長短不齊, 三貓中最核突。

習慣每星期幫三貓擦牙一次, 但隨著牠們年紀大, 擦牙也避免不了牙石積聚, 

三貓中亦是肥仔最嚴重, 可能是品種問題,

 有同事家中的英短也是多貓中牙石、口臭最嚴重, 

愛協獸醫曾用拇指甲幫肥仔划走大塊牙石,

 後來我嘗試自己划, 失敗,

 也試過學網上介紹用划黑頭的划, 也失敗。

除了繼續每星期擦牙, 三個月前開始每日加入少少牙石粉在三貓罐頭中,

 份量比說明書更少, 現時牙石已脫落, 

不要嫌棄肥仔牙黃, 牠始終已8歲啦。

卡樂b牙石不太嚴重, 牙齒亦白d、整齊d。

細b的牙齒三貓中最靚, 10歲半, 大部分牙齒仍雪白, 沒有需要麻醉洗牙。

貓咪牙齒知識

最近睇了台灣岀版 "怪阿姨的動物醫院日誌"

知道貓咪共石有30顆牙,

大家數唔數到?

A cat doesn't want to go for a walk

美國有隻懶貓Egon不肯外岀散步, 最近爆紅, 連昨日生果報也有報導

http://hk.apple.nextmedia.com/realtime/china/20140808/52774799

佢地見得貓少啫, 其實懶貓遍地都是, 如果唔係, 貓奴使乜咁辛苦, 

我家已有一隻懶貓, 被阿媽迫扮港版Egon, 只想娛樂一衆多年友好blog友, 但沒有打算爆紅。

去片::cc4150 

領銜主演: 肥仔

配合演岀: 卡樂b、細b、阿媽

發行: 阿媽製作室
攝影: 阿爸

https://www.youtube.com/watch?v=2gAyW5hojts

花絮: 事後驚慌樣

日本食品

在鵝頸橋街市的Japan Premium Store已開業一段時間, 我最近才幫趁, 

價錢比富貴超市平一截, 當然質素低一檔次, 其實只是size 細d。

買了白桃、蜜瓜來嘗試

白桃可能唔當造, 雖多汁清甜, 但好似欠缺桃味, 爭dd。

這不是北海道夕張蜜瓜, 是北海道岀產的赤肉蜜瓜, 價錢比夕張平好多,  以下個size屬細型, 買來試下味, 味道比得上夕張蜜瓜, 我分唔岀分別, 以後吃這種好了。

翻版 德國咸豬手

今天星期日, 假期最後一日(放了三日annual leave搞維修), 突然想學整德國咸豬手,

參考了以下食譜, 材料就家取材冇跟足

http://siciwonderwall.blogspot.hk/2013/07/blog-post_29.html

1.   急凍咸豬手一隻

2. 香葉 6片 (我用家中現有雜錦香草碎代替, 有齊所需各種香草, 唔想買太多一樽樽配料)

3. 白胡椒粒10粒/白胡椒粉 2茶匙

4. 白醋兩湯匙

5. 乾百里香碎 THYME 4茶匙 (用家中現有雜錦香草碎代替)

6. 新鮮迷迭香5棵 (用家中現有雜錦香草碎代替)

7. 麥啤 3罐 (用了一枝500ml德國黑麥啤代替)

未入焗爐前, 左邊玻璃兜是剛用60個惠康印花換的, 用來浸豬手好好用。

第一次做的製成品, 皮脆, 沒有在餐廳吃的那麼咸, 加上面包, 成了２人晚餐。

卡樂b有幾醒

維修窗戶滲水要"作"牆, 沙塵滾滾, 

三貓被我送入廚房坐監, 過了一會, 細b、細佬已接受現實, 乖乖尋夢去, 

只有卡樂b碶而不捨, 不停喵叫我放監, 唔睬佢, 

佢竟跳上門旁的長檯, 用雙腳加上體重想按下門柄, 

好彩門是向內開, 佢仍未掌握到, 佢只懂用力向下按和推前, 當然開唔到, 

反映佢的求生本領高過細b、細佬幾班。

難得一見"三貓集中營", 天氣炎熱, 開了廚房冷氣給三位監躉, 

可以一邊晒太陽, 一邊午睡。

因為要由朝頭早逗留到傍晚, 工人走了, 我又做了簡單清潔後才能放監，

紙盒、糧水、屎兜都搬晒入監倉。

阿毛芝麻餅

blog友阿毛介紹整改良版芝麻餅, 我愛吃芝麻餅, 

見很簡單, 趁放假有時間就跟住做,

份量一樣, 只是糖由80g減到45g, 我認為已夠甜, 

阿毛整咗20個, 我得17個, 手勢整開大件頭::mm1544 ,

我焗了12分鐘, 之後熄爐再10分鐘等d餅脆d,

吃咗一件::mm1491 , 好味::mm2374 , 以後得閒又多一樣野玩。

又來維修

今日又開始家中維修工程, 一處是其中一廁所天花岀現輕微滲漏,

輕微到只有我察覺, 家中另一人完全睇唔到, 

憑我經驗, 唔理會的話兩、三年內沒有問題,

 但既然約了防水公司來做維修窗戶滲漏就一氣維修埋天花,  

窗戶滲漏源於兩年前的10號風球, 結果一年前更換了有滲漏的窗戶,

令我人生第一次在家中被偷銀包, 

但滲漏比未更換前更嚴重, 最終找用開的防水公司打救, 

工程約需要五個工作天,  我家維修可說是沒完沒了,

我也不知做了維修工程, 問題會否解決, 但總不能乜都唔做。

一早工人入屋, 肥仔快步躲入梳發底, 細b 過了一排也加入肥仔匿入梳發底, 

只有卡樂b好緊張地跑來跑去, 佢雖然驚驚地, 但也勇敢面對, 

過了一會儿, 卡樂b已不害怕遠觀工人, 

再過一陣開始搞搞震去搞工人帶來的用品, 結果被我鎖在廚房。

睇唔到, 可用此link

https://www.youtube.com/watch?v=7Ht1mkuT8z8

肥仔隔了一陣, 好似過街老鼠咁飛跑入雜物房避世, 最冇用的貓乃肥仔莫屬。

細b過一會也離開梳發底靜坐一旁。