廚餘清道夫

有位老伯任職廚餘清道夫多年，由年輕做到老，

餐揾餐食，冇乜儲蓄，

想轉份有多d保障既工好耐，但點同後生仔女爭，

每天在網上求包養的多不星數，要後生的有，要靚仔過佢有，

只能怪少壯不努力 老大徒傷悲

現時顧主對老伯好刻薄架，每日兩餐，

早餐只有25g冇貓肯吃的剩餸，唔使半分鐘清晒，

一日時間流流長，要等到晚上才有嘢落肚，

晚餐80g 細罐加水填飽肚子直到第日早上，

其他時候睇運數，時運高時有些廚餘打賞，老伯視之為甘露，飛撲去清潔,

鬼叫年紀大先諗轉工，邊話咁易，

貓界勞福局長建議肥嘢搵貓奴介紹署試下換顧主，

個個貓奴一聽到13歲高齡，見到個樣蠢蠢頓頓, 又見佢CV有多次打交紀錄, 邊冇貓奴肯落搭，

於是肥伯自拍此宣傳短片希望有貓奴垂青佢的認真工作態度，

連在地上的一小點廚餘也清潔頗當，貨真價實