時光倒流

見到標媽的妙妙入門, 令我連想起超過5年前卡樂b入門時的情況

剛到步, 未走岀貓袋就被細b、細佬圍困

之後被困入籠隔離

好愁, 唔知呢度邊度, 外邊兩隻灰沉沉的肥貓又係度虎視眈眈

特別個隻好似黑毛豬的對住個籠靜坐成個鐘抗議咁

越坐越近對望著, 唔肯走, 唔知佢想點?

見隻黑毛豬又發愁咁, 第日唔知夠唔夠佢打?

摩廚 - 午餐

Blog友 BBQ 介紹, 灣仔區我熟到爛, 如此店在九龍區, 我就未必去嘗試啦!

我平時對吃要求低, 求求其其, 繁忙工作 + 生活, 吃來吃去都係個幾味 + 個幾間餐廳,

有時都想試下新嘢, Blog 友介紹的餐廳如在港島區, 我很大機會一試, 其他區就少去啦, 因為都係個一句, 要求不高, 所以不願付出過九龍的代價去揾食, 事實上我對九龍道路又不熟。

自問只識分好吃、唔好吃, 寫唔岀其他味覺, BBQ寫得詳細、好過我, 

寫自此blog, 希望多d人支持此類小店，收費合理, 味道唔錯, 我會再幫趁。

http://www.maureen.com.hk/

本來想吃晚餐, 老公晚上另有約, 改吃午餐。

平日午餐、晚餐絕對沒有閒情吃此類要等好耐的幾度菜的餐::mm1673 。

Sunday Set Lunch HK$180 + 10% 

餐廳八成滿, 晚餐可能墟坎d

我大食, 吃完8成飽, 不過我要學下不要下下吃到10成飽::mm2442 。

Tomatoes & Chicken (車厘茄、檸檬橄欖油雞)

The perfect egg (i.e. 63度蛋, 香菇啫喱、雲腿)

Abalone (燒吉品鮑魚)

Grilled Hoisin Pork & Chinese Wine Egg (燒豬豚、花鵰蛋)

、

Noodles (摩廚撈面)

Chinese broth  (老火湯)

蕉蕉 = 女女?

卡樂b真身上陣, 擔當主演, 示範貓貓性教育篇,
肥嘢在旁加鹽加醋

打得貓多...冇貓so肥嘢

肥嘢同家中兩貓自小不和, 

當天氣好、牠心情又好, 享受緊sun bath中, 

想同卡樂b玩, 卡樂b不肖把地行開, 

費事啋肥嘢::mm2065 

24-hour 暫托

今晚暴雨, 慶幸幾隻流浪貓暫處我家, 我開了罐罐給牠們, 牠們已48小時冇吃嘢, 但對住罐罐都不敢吃, 太驚了。

事源幾個月前在家附近跑步遇上餵貓婆婆, 主動上前傾解, 知道她是愛協登記義工, 我見到她餵的流浪貓未絕育, 擔心不斷繁殖, 問婆婆會否捉貓絕育, 婆婆話等遲d貓仔大d會捉牠們絕育, 我自動請纓可以幫手, 其一可以放捉貓籠於我家地窟儲物室, 留下手提給婆婆, 叫她有需要找我。

幾個月過去了, 昨天下午收到婆婆來電, 告知她昨晚會捉貓, 如捉到, 今天會絕育, 因近來天氣不穩定, 不想即日放回絕育後的貓貓, 怕傷口受感染, 問我可否收留貓貓一天等傷口痊癒, 我答應後放工回家執拾了工人房, 為布梳發鋪上膠檯布, 思考了流程, 告知屋企另一個要配合。

流浪貓入屋前, 困了家中三貓入房, 安置好流浪貓後, 關上工人房門, 再關上廚房門, 放三貓出房, 明天返工前一定關上睡房門，減少三貓發脾氣周圍疴。

三貓出房後, 細b、細佬、若無其事, 卡樂b個鼻非常靈敏, 即刻往剛才幾分鐘前放貓籠的地方周圍索, 佢不愧曾是隻流浪貓。

卡樂b玩嘢

卡樂b近期新玩意, 

經常由廚房內推門(已有磁石吸住)關上, 困自己在廚房內等人打救佢,

曾試過老公離家前困咗卡樂b係廚房或忘記關門佢自困, 直到我晚上回家才能釋放佢, 

十幾個鐘斷糧斷水, 要上廁所就去廚房sink盆解決, 

所以現在岀門前一定要數齊貓頭, 一個不能少。

我回到家忙緊家務時, 佢又玩嘢關門裝下有冇人同佢玩，玩得多技巧升級, 識得半掩門, 這樣可以又關下又開下::mm1673 

昨晚婆婆突然衝入了一間房內的櫈下躲避卡樂b追打,

  聰明的卡樂b走出房躲在牆角, 等侯婆婆岀房門上前捕捉, 

此卑劣行為被我發現::mm2218 , 

當然婆婆最後安全走岀房門啦