跑步多年,由今年4月開始才使用app記錄,
才知道8個多月跑了超過1000公里,即一年約1300-1400km.
沒有定目標,速度也很溫和,
純睇天氣(除了落雨天不跑)、時間,身體狀態(唔夠瞓不跑),
沒有其他藉口。
當初跑步,為了互補瑜珈的不足,給自己些少心肺功能鍛練,
不要連跑幾步或行上天橋也氣喘,
不為減肥,因為我吃得太多,
單靠運動不能瘦身,只能保持體重,
控制飲食對我來講是一生最難的discipline。
瑜珈、跑步有時帶給我一些輕微創傷,
經物理治療休息後我又恢復, 從中更懂得保護自己不再受傷。
身體基因遺傳自父母, 沒有選擇,
我家幾代遺傳糖尿病(50歲左右開始)、心臟病,
已過身的我又知道病(死)因都是由此引起或其併發症,
我做好自己控制到的部分, 我的親戚有d雖已患病, 只靠吃藥抗拒運動, 勸說無效, 我也收聲。
2017年快到了, 新一年希望大家身心健康!
愛護自己 是地上拾到的真理
回覆刪除眼見不少人不懂愛護自己或超頑固
刪除愛自己
回覆刪除意思是克制自己同步放縱自己
克制+放縱, 要有賺先得
刪除點都係要靠自己既毅力,好似我咁無毅力,懶過蛇
回覆刪除可以先行一小步,例如放工早一個站下車或揀D你有興趣的運動,我用了多年才調整到現時心態
刪除我依家每日都有人車返工放工呢,我想學瑜珈,啲鬼佬課程我又唔識聽
刪除我在香港參加間studio幾乎全是英文教授,因為同學之中總有人不懂中文,鬼佬老師也不少,來來去去都是那幾十句英文,就算不明白全部,配合示範,跟著其他同學,也跟得上,我練咗咁耐都係個幾十個動作,有D到e+仲未做得掂,但老師不停幫我執姿勢、教我肌肉運用(表面睇唔到分別)要㩒落肌肉先知我用緊力
刪除好有毅力!先天無法改變,但運動能讓身體減慢衰老,對健康總是不二法門,加油!
回覆刪除哈哈…睇下對乜,對食我冇毅力
刪除運動另一好處是肌肉較結實,不會一上了年紀就鬆pat pat
卡b你好勁呀, 我e+只係間唔中跑下, 總係有多多藉口唔願郁....你意志力好強, 我份人超懶, 成日都係做一排就停 -.- "
回覆刪除嘻嘻…你對跑步同我對節食的毅力一樣,節食幾日就放棄,要等人再刺激下我,我才有心情再節食
刪除我在去年大概八、九月开始每日去公园行 (年纪大唔敢跑),有时朝晚都行,最少四十分钟,大多数一个钟,坚持到e+。我贪食,所以坚持要运动。家姐最近话我面色红润有光泽,我谂应该係同运动有关。
回覆刪除你肯堅持一段時間一定有轉變,我諗我同你一樣咁為食,冇得食慘過乜,一餓好容易發爛咋😅,我有時不敢在家整蛋糕、甜品,因為我會清晒,我家雪櫃有兩盒雪條、一盒雪糕、一盒雪米糍、兩盒ready to serve 甜品、一包湯圓,零食有花生、合桃、糖、朱古力、chips……哈哈,再講嚇死你😂
刪除我相信我退下職場之後會吃少D,吃除了生理需要,我的胰島素不能有效調節,一餓腦袋轉數集中力即下跌,也是減壓方式之一
刪除愛自己,為咗健康,有能力的都要去做,但我講就易,做起上嚟又係三分鐘熱度 XP,我好佩服你哋可以堅持到咁耐
回覆刪除一定要自愛,對於家人也是一份責任
刪除我當然有三分鐘熱度的行徑,你唔知啫,節食最攞我命
祝 卡B家新年進步,身體健康 😽
回覆刪除Lu媽同毛孩一家都要身體健康、開開心心過每一天
刪除