細b、細佬身體檢查

今日帶細b、細佬去做身體檢查，

套餐包括驗血(17 profiles)、驗尿、驗屎、打疫苗、量血壓.....等濕碎項目,

惡覇太耐冇入貓袋岀街, 入袋後大叫救命兼瀨尿, 結果抽不到尿化驗,

細b全程冇哼一聲, 好淡定, 但因為早上剛去了小便, 也抽不到尿化驗,

血壓也沒有量, 因為貓地岀街多數緊張, 量度岀來的血壓會較正常高==>即不準確

兩個老人家驗血、驗屎報告all passed,

分別11歲和9歲,  每星期擦牙一次, 日日吃牙石粉, 

仍有些少牙石, 但不需要洗牙, 

醫生話細b婆婆的牙齒比肥仔靚, 我肉眼也分辨到。

惡覇要減肥, 我一早預咗, 醫生建議惡覇轉吃處方減肥糧, 

廣告話：

88%動物兩個月內見效, 調節食慾、減少炎症、改善能量代謝

好似賣女人減肥廣告

此糧纖維較多, 大便次數會增加，

 轉糧當然要溝糧慢慢轉, 

回到家, 我倒一小碟新處方減肥糧給肥仔，冇溝糧, 

佢兩分鐘清碟。

唉! 咁點樣減肥?

平行四邊形 + 感謝

細佬已逐漸發展成為平行四邊形，

其實細佬好易養，唔揀飲擇食，

減肥糧也吃得津津有味，碟碟清，絕不浪費，

結果造就平行四邊形。

近來因為照顧卡樂b比以前更花時間，給細佬的時間少咗,
細佬也沒有抗議，吃飽不是呆坐就是瞓。

在此要再次多謝blog友meimei mew的小建議, 

佢在我早前針灸(二)篇blog建議我帶個箱給卡樂b坐著針灸, 
以減少佢周身郁, fing甩D針, 

結果我帶了一A4紙箱蓋, 效果非常好,

連續帶了幾次後, 早前獸醫同助護主動問我要不要試下佢地提供的箱, 
我樂意勇於接受嘗試。

原來助護專登去ikea買了一高身不透明膠箱, 再找人用電鋸將一邊切得低d, 

三邊高d令貓更有安全感, 低d一邊可以令貓看到外面,

 這樣我唔使每次一揪二拎帶住卡樂b去針灸, 個箱也可以給其他小朋友使用。

去了多次針灸, 獸醫同助護部都很愛卡樂b的親陌生人性格, 每次落針前, 摸+惜惜佢一輪才落針，令氣氛緩和好多, 睇得出他們是有心之人。

攝於兩日前針灸中, 安靜合上雙眼, 應該很舒服。

絕處逢生

寫上一篇blog時, 卡樂b仍大部分時間迷迷糊糊, 

二十幾度天氣, 黏住modem做貓, 我回到家也不肯起身迎接,

我和爸爸做了最壞打算, 預計佢不久貓世, 我亦問了義工那間寵物火化較好,

當時卡樂b進吃針灸獸醫建議的益生菌已多日, 不見有顯著改善,

但幾天後, 情況有明顯改善, 尿毒症得到改善, 精神咗, 懂得去廁所疴尿,

我和爸爸好開心，知道佢又捱過了一關, 爸爸話佢命硬,

現在卡樂b 只肯自己吃零吃、飲罐頭汁, 不肯吃腎病糧、罐頭等,

除了俾多d零吃佢, 牠總不能靠零吃維生, 每日我早、晚手餵約150粒腎病糧, 

不要以為很多, 我量度了, 約30g。

照顧卡樂b的功夫、時間比之前多了, 

除了餵食針灸獸醫所開的中藥粉、益生菌, 同時西藥、蛋白、杞子水繼續吃, 

中藥和西藥需要預先準備，

每日服用中醫粉要預先量好重量裝入吉的膠囊, 一星期份量的準備可以用上一小時, 

只能在週末放假做這些功夫,

做得包裝多, 對市面上各牌子的蟲草、靈芝膠囊更深認識, 

知道那一牌子"水份"多, 即膠囊內藥粉少, 有d牌子可相差50%, 

表面上睇一樽有幾多粒膠囊是錯覺。

一粒細小的胃藥(給人吃的)要分6份, 精神不集中做不了, 

切割完要用pill pockets 包住, 因為實在太細了, 不包住很容易成粉。

經過兩星期努力，體重停止了８個月來不停的下跌, 稍稍回升100g, 

此兩幅相攝於昨天早上, 卡樂b正享受日光浴, 雖然佢不是如相中咁時時咁精神, 但已進步很多，我不知道卡樂b仍可生存幾耐, 只望牠此貓生與我共同生活幸福!

倒數中

卡樂b自三月中病況急劇惡化, 即使每星期接受針灸, 情況只能說穩步退化，

復活節其間更多次失禁瀨尿在貓床內, 因為實在病得迷迷糊糊, 神志有點不清, 不懂起身去廁所,

現時神志略為清醒, 但不是睡覺, 就是處於以下牛牛豆豆狀態, 體重剩下不夠3.5kg,

已不肯自己進吃任何固體食物, 只肯進吃ciao mousse 加杞子水, kakato tuna / chicken mousse 也不肯吃, 每日用針筒分幾次餵飲100 ml杞子水, 試吃幾種開胃藥也起不到任何作用, 

媽媽每日需要force feed 9粒中西藥、益生菌, 蛋白, 腎病糧, 雖不捨6年多的共處緣分, 但會在適當時候放手。

我的媽媽在上星期亦倒數完畢, 走完她的人生路, 結束了我們沒有緣分的關係。

保安員

自從暫托靚仔，肥仔成為一隻很盡忠值守的保安貓，

一早沒有用籠困住靚仔，但牠一直不敢離開廚房，

保安貓盡責，但都要落場休息，估不到保安貓的威嚴伸展到屋內每一角落，

即使我打開廚房門，靚仔只是行到廚房門口，向外兩邊張望，

一望到肥保安員的身影、眼神，即急急腳退回。

究竟肥保安怎樣建立威信、令貓望而生畏？ 全靠一早的下馬威

暫托已兩星期, 靚仔從未入廳

爸爸摯愛

細b是爸爸摯愛

可能有幾個原因,

1. 爸爸養的第一隻寵物

2. 從不好似肥仔疴屎係床上、地上、地毯上，不搗蛋製造麻煩

3. 成日被兩隻仔追打, 爸爸鋤強扶弱

4. 會主動親近爸爸 (肥仔不會主動親近爸爸)

細b由4個月至3歲, 經常跟爸爸遊車河，去過港九新界不少地方，

以前也跟媽媽每星期去按摩, 坐在一邊等媽媽, 坐超市購物車購物(現在因為衛生問題超市不準動物進入),

 所以出街膽量有番咁上下, 但對住肥仔凌厲的眼神即腳軟。

爸爸、媽媽近年工作繁重, 休息日很少外岀,

留家休養生息, 好多年沒有帶細b遊車河,

星期日爸爸車媽媽往上瑜珈班，苦求媽媽帶同細b遊車河, 再由爸爸帶回家, 

爸爸話因為細b 已過11歲, 遊車河機會不多了。

睇下細b神氣樣

剛上車時有d驚, 始終多年冇岀遊

一陣間已唔驚

原居民 vs 新移民

連續幾篇較傷感的blog, 生活總要繼續, 

卡樂b暫時仍然行得、吃得、瞓得、疴得,

只是吃少咗, 活躍程度減少了。

轉下mood

近來親戚的貓來寄宿, 肥仔、卡樂b好緊張、不安, 

細b繼續與世無爭, 望了幾眼, 回自己床位休息。

入屋多年, 卡樂b一些街上習性、智慧仍未改,

 針灸醫生不信牠曾是流浪貓, 我堅信不移, 細b、細佬絕對沒有卡樂b碼的習性、智慧。睇片...........