細b婆婆睇醫生

今日3號風球，橫風橫雨下，帶阿女睇醫生，

好彩佢老豆良心發現, 車我地來回,

阿女自一年前右耳發炎，多次求診，

幾乎長服類固醇至8月尾，情況稍穩定，

但沒有多久，輪到左耳啡色分泌物比過往多, 

細b自少左面淚腺蔽塞，左耳分泌物一向比右耳多，

多年來我維持一星期洗耳一次，

但自從耳仔發炎後，幾乎日日清㓗，順便觀察佢雙耳情況，

遲些出門，不想好似今年年初咁，

滾水碌腳搵cat sitter 上門滴耳水，因鐘點怕咗細b，不敢接近佢, 

但cat sitter第一次見細b就可以滴到耳水, 

我認為鐘點心怯, 動物感受到, 

鐘點又不怕肥仔, 好矛盾

好少影得佢咁精神靚女, 仲沿途咕噜

醫生建議細b餘生要長服類固醇控制耳炎，我擘大口得個窿,

醫生又話細b算幸運，對類固醇治療有反應，

因為有的動物長服類固醇也控制不了敏感、炎症。

另外醫生聽到細b心臓有雜音，是衰老現象之一, 

醫生同我講笑話佢自己也有眾多衰老跡象，大家咁話啦！