旅遊口水花

每次外遊都給我心靈、精神、身體休息, 如果選擇放大假留家休息只能達到部分成效, 因為身在外地, 平日我可接觸的溝通途徑或別人可找到我的途徑幾乎全中斷, 就算買了外地的數據咭, 也不是隨時隨地有3G, 外國地方大, 覆蓋率不是100%。

人在外地, 我吃得比平日更多, 瞓得特別多, 因為人處於放鬆狀態, 同留港放假有不同。

目的地不是最重要, 最重要是同行者和旅途的經歷, 近年岀外, 盡量避免太多強國人的熱門目的地, 但仍會碰上。

多年來去了不少國家, 世界這麼大, 很多遠途國家多數一生人只能去一次(受制於人生有限、體力不繼), 但我很少會去完一地方, 同自己話我以後不會再來這國家, 世事難料, 無謂斷自己的旅遊路。暫時只有一國家令我說了不再重遊...........印度。

足足十年前, 我去了泰姬陵、克什米爾等, 歷史遺跡固然值得一遊, 十年後我對曾遊覽的歷史遺跡印象模糊,  但仍清楚記得的卻是當年旅途經歷, 令我對此地方極度反感, 只列舉三項:
1. 飛機到了新德里機場等侯轉機期間, 我去了機場一檔口買咖啡, 印象中價錢是單位數rupee, 我給檔主100 rupee, 期望找回9x rupee, 結果檔主找給x rupee, 我問他取回90 rupee, 他打開柜筒給我看, 然後說, i have no change for you

2. 當年外國人居住的酒店保安很嚴, 住客入酒店要好似入機場禁區咁接受檢查, 避免恐怖襲擊, 我們在其一城市入住Sheraton Hotel, 當在lobby飲緊welcome drink 等候房間分配, 我老公除下一牌子冷衫放在梳發上, 拿完房間鎖匙後直上房間, 忘記取走冷衫, 上房後發現我下樓想取回, 卻失蹤了, 走去問酒店職員, 得到的回覆是冇人拾獲, 我只好回房間, 越想越憤怒, 酒店保安嚴謹, 沒有外來人可進入, 我於是再次下樓, 今次我改變面孔, 我向職員索取Sheraton Hotel 管理公司的聯絡方式, 我告訴職員我會寫信去管理公司講述此次失竊事件, 跟著回房間, 第二天早上我們落樓外岀, 職員告訴我已找到冷衫, 入內取回給我, 冷衫用一透明膠袋載著, 此冷衫至今仍在我家衣柜。

3. 在Sheraton Hotel 用USD 找換 Indian Rupee, e.g.  標價打岀 USD100 vs Rupee1,560, 我只收到Rupee1,500, 職員解釋電腦壞了, 岀唔到收據, 我只好啞忍, 另一天我見另一人找換 rupee, 百掛企在柜台邊睇熱鬧, 我終於明白點解沒有收據和少咗60 rupee, 職員是從柜筒中自己銀包取出rupee跟遊客對換。

其實整個行程這類的損失可能只是幾百港元, 但諷刺的是我輸係HK.00005的錢都沒有此幾百蚊深刻。

同樣我對於曾遊歷的伊朗地方記憶不多, 但一路記得當地普通老百姓的友善、純真, 早幾天報章報導了一名深水埗孤兒隻身踩單身遊歷各國, 他旅途上最壞和最好經歴的國家同我不謀而合。

http://hk.apple.nextmedia.com/realtime/news/20140131/52146152

導媽貓……一貓當先

上星期同一很久沒有見的中學同學見面吃飯,

她已是全職媽媽多年, 女兒已十歲, 是名校的優異生, 我只有三貓,

問起我點解咁愛貓、動物？

因為動物思想簡單、直接、沒有機心,

細佬引路去做乜? 

動物除了吃、睡、痾、被愛已很滿足。

牠們媽媽工作要思考, 思維絕不可簡單、直接, 每天離開公司會不停打哈欠成個鐘, 天生睡不多, 所以老得快，從外表看, 同學比我看起來年輕起碼10年, 我沒有所謂, 沒有打算打救, 沒有打算做到退休年齡。

虧佬

個暖水袋我原本放在大脾上取暖, 一路睇悶到抽筋的文件,  有貓行過來, 用腳不停爪暖水袋, 結果貓奴讓俾貓用, 肥斯大隻, 毛密膏厚, 都咁怕凍。

舒服晒, 閉目養神先

即刻醒晒

太舒服啦! 再眠過

驚青肥仔 vs 淡定卡樂b

一年一度帶肥仔去打針, 由入袋至到上的士, 佢叫到幾淒涼有幾淒涼, 大聲到連鄰居都要探頭睇下發生乜事，

一上的士就收聲, 直到回家都冇再叫，次次出街都係咁。

個傻仔每次岀街一驚就標馬尿, 唔信你睇番佢以前岀街的衰樣。

相對來講, 卡樂b定得多

卡樂b再次去診所照ultra sound, 驗血、驗尿,

壞消息是牠腎內的cysts比3年前增加咗,

好消息是驗血、驗尿暫時仲合格,

半年後再覆診觀察。

煲仔飯、mini pizza、luggage tag、黏毛滾筒

今年第一煲，好味，稍為濕D，下次再干身D就perfect啦

我對食的要求不髙，所以廚藝也不高，吃得落口，不太難吃就算了。

另一介紹，mini pizza, 一合12個，特價$35.9，適合家中沒有大焗爐的人，可以放入多士爐，每個約大曲奇餅size，我大吃，吃咗4個再加一碗米粉先飽

唔想煮飯時，焗十零分鐘就有得吃

好靚的luggage tag, 幾十歲啦照用, 兩個自用, 兩個送給朋友

唔好用的黏毛滾筒, 不是黏唔到毛, 而是用水沒法將所有黏上的毛洗脫

農曆年又快到

我今日反常, 十幾年來幾乎不會為過年買用品、裝飾物, 

家中從來沒有為過年買全盒、糖果、瓜子、盆桔、鮮花...... 百無家庭，

今日突然想做就去做,

不過只是含蓄地買了些裝飾物, 以後可以年年重複使用。

以前買下的剪紙, 貼在門口

布飾、木飾掛於書房門

較喜歡的玻璃吉仔

祝各blog友新年進步、身體健康、順順利利、家肥屋潤!

Sofa 新裝、抵到爛鮑魚刷

家中布sofa用了多年, 自卡樂b入門後更被爪得岀鬚添, 冇眼睇, 布套更超過4年冇清洗, 直至最近才洗, 亦沒有打算更換。

早兩日戚起條根, 求其去ikea買咗6 m 布, 每款各3m, 鋪上sofa, 哈哈哈......大功告成。

順便買個$8.9 抵到爛鮑魚刷, 右邊的貴價鮑魚刷是當年我貪慕虛榮買嘅, 幾舊水一個, 仲一次過買咗兩個, 好睇唔好用, 刷柄短, 刷蓋又阻手阻腳, 一個已掉咗, 剩下呢個亦係時候掉啦, 勸大家不要買此種鮑魚刷。