門口毯

長方形毛毯, size啱做門口毯, 灰色, 襟污糟

只求肥仔不再肥落去, 維持 妹頭 x 2 

每日伙食同細b一樣, 甚至少DD, 身型卻大細b 七成,

 瘦唔到就是瘦唔到

不同的三貓組合仍是各倨一方, 各有各發牛痘

X 2

左邊7.16kg, 右邊3.58kg，左邊剛好是右邊的double

一肥一小為何在廚房？

一齊走難囉
家中擋門碌因為老化要更換，想過一次過更換4幅擋門，想到又要搞到一屋沙層滾滾, 
嘗試叫幫趁咗十多年的師傅(已60多歲)幫我找配件換碌算了,
他不負所望，在旺角找不到，去到荃灣才幫我找到更換配件，
因為門很重，他要找多個人幫手才能換到,
看似簡單, 兩人用了一個半小時才換完,
我要放半日假遷就師傅時間,
家中另一位叫我要開始習慣,
因為香港出現技工短缺, 人口老化, 又沒有年輕人肯入行, 
最後會好像歐美國家, 技術工人的待遇比得上專業人士

一肥一小見到有陌生人來，一同走入廚房躲避，
剩下細b婆婆留守督工，全無懼色

日日吃檸檬

妹頭到家已個半月, 近兩星期已沒有困籠，

性格驚青，但勇於接近家中肥伯、婆婆,

可能街上生活多年習慣埋堆, 多幾個同伴互相照應。

肥伯cool到當妹頭冇到, 妹頭一行近挨身即fee, 搞到妹頭幾乎一日吃幾次檸檬,

肥伯近日要求在餐檯上開餐, 免受騷擾, 知道妹頭跳不上檯。

妹頭叫聲響亮，可持續叫很久,  肥伯自小對聲音很敏感,

肥伯好似怕咗妹頭音波功, 未見佢會岀擊追打妹頭, 但仍見佢打婆婆。

知道細b唔喜歡，妹頭不敢坐得太近, 太近細b例牌fee, 跟著走開。

可能吃得太多檸檬冇趣，妹頭近日成日躲在梳發底，

如果家中舊貓性格親貓,  往往令新貓較易溶入家中,

見有一義工家中一老貓是負責令暫托貓適應新環境兼放下介心,

我家兩老性格自我, 令妹頭需要更長適應期。

Keep fat

肥仔減肥狀態停滯，自從控制食量，冇放長糧，

只瘦咗半磅左右，之後沒有進展，

媽媽唯有抽時間同佢玩羽毛棒運動。

頭部、眼珠運動

攤在地上滾動運動

呢度係邊度？

現在我一回家妹頭開始好忙,

忙著喵我，忙著自己行出廚房探險, 

但一聽到任何聲音或者我、肥仔一行近，即驚青跑回廚房,

見一陣冇嘢發生，又好奇行出來，跑出跑入好繁忙, 見佢自己嚇自己, 慌失失, 幾搞笑。

多年流浪，被人嚴重傷害，死裹逃生，

幸運被救，再入室生活，

妹頭要適應的有很多，例如：

• 大小二便一定在晚間我入睡後才進行，晚上夜闌人靜時辦大事安全D，少D機會被襲
• 吃糧、飲水也多是在晚間我入睡之後才吃才飲，這也可能流浪時每日最多只有餵貓ee餵食一餐
• 就算開心咕嚕也不會反肚
• 熟睡中一定不會完全放鬆反肚，最多只是打側少少瞓
• 扒屎扒尿很落力，幾乎周邊可扒都會扒，試過將長梯扒到跌倒地上
• 不懂吃濕糧
• 任何人、貓一行近，第一反應就是大聲喵，希望嚇退對方

希望有一天妹頭能搣甩以上習慣。

街童有牠的生存智慧, 世界女一個,

 仲使暫時未能同細b埋堆, 又唔鐘意肥仔，

但竟主動行近肥仔伸頭碰肥仔頭示好, 肥仔當然未領情，

fee完即行開, 起碼對妹頭沒有早前咁惡屎。

適應中

今日天氣好正, 一年中這樣的放假日子不多, 不用開冷氣，沒有東北季候風。

妹頭入室已超過三星期，除了第二日餵藥時太驚恐, 爪傷、咬傷我手掌、手指，

沒有再岀爪, fee我次數、聲響也減少中, 比預期適應得快。

由24小時困籠到近日抱她每日岀籠半小時, 由開頭一放佢落地，即飛跑回籠, 

到肯自己坐一會再跑回籠, 個籠是牠認為最安全的地方。

我在家時, 籠門長開, 妹頭不會自行走出籠,

早前曾見牠行出籠,  正想岀廳, 碰上門口肥保安，

肥保安岀口fee兼岀手攔截，結果妹頭急急腳回籠

上星期帶佢轉往港島區診所覆診, 雖然知道牠後腳、肚皮上刀傷痕痊癒得8899, 

仍帶牠去見醫生，當開個檔案, 交代之前三星期住院紀錄, 

將來有乜事要見醫生不會不知從何說起。

性格親人，但細膽,  街上生活多年, 自我保護意識強, 

但可以這樣被我抱住半小時不動, 義工話佢是一世貓第一次被人抱。

一早認定細b是盟友, 肥保安不是善男信女, 
細b罵也不還口, 仲伏低地上表示surrender

這是昨晚細b可接受最近距離

太近細b很抗拒, 細b十二年來喜歡自己一個貓, 也要適應，
但比起對卡樂b、細佬，細b對妹頭算是友好。

這條片攝於超過一星期前, 妹頭第一次離開廚房, 肥保安的反應少咗以前的氣焰。

對比

同一地點, 同一位置, 同一個籠, 同一隻藍色肥貓, 

不同的只是籠中貓, 

直到今日,無論身在何處,  每想起卡樂b, 我仍淚如泉湧。

繼續訓練中, 除了美食, 肥貓最愛羽毛棒, 為了追逐羽毛棒, 肯蹲在籠前等扑羽毛。

六年半前