這個聖誕不太冷

今個冬天，妹頭不需要再流浪, 有溫暖貓兜、兩餐溫飽,

不用走難避開危險, 願多些人支持領養, 給流浪動物一個家。

這張被是買貓糧贈送的, 我很少買寵物用品, 刻意買的很多時發揮唔到購買時的目的。

每一隻貓不同，妹頭流浪時間超過4年, 仍在適應室內生活，建立對(主)人的信任。

今年聖誕不打算外遊了, 去年聖誕，我選擇了渡過人生最寒冷的聖誕, 

在冰天雪地露營渡過太陽不下山的聖誕夜。

一切都值得

領養前曾作最差打算, 妹頭未必能成為可摸、可抱、放鬆生存的家貓,

我只是提供一宿兩餐給一隻沒有能力再流浪的貓渡過餘生,

也預算適應期會長達半年、甚至更長。

結果喜出望外，提早達標, 剩下的真的要慢慢調整, 亦有可能餘生都調整不了，

聽到不熟悉的聲音，見到不熟悉的人, 妹頭仍會躲藏,

逃避從地上被抱起那一剎那,

大、小二便次數太少,

不會吃罐頭、鷄粒、三文魚粒、mousse, 魚條，

只吃干糧、超市零吃。

很努力主動同家中兩老做朋友，雖然成效不大, 起碼至今未被肥仔追打, 被fee驅趕次數也減少中, 睇下佢幾勤力主動

大部分時間很放鬆出沒

懂得享受被愛

雖然抗拒從地上被抱起那一剎那, 但抱起後可以好嗲

早排細b體重慢慢下跌又日日嘔, 但精神、飲食正常，非常擔心，半年前驗血、驗尿、血壓一切正常，最擔心患上驗血、驗尿都查不岀的病, 只有照MRI才可能知道那裹岀問題, 同醫生商量過, 如果再持續，要帶佢再去檢查，

我開始減少灌佢飲水，嘔吐可能因為我迫佢飲太多水 (其實只有25ml早晚各一次), 肥仔受得, 佢受唔到,

減少嘔吐, 加上早上俾佢吃mousse罐頭、mousse零吃, 佢好識吃, 是"貓"食家, 

體重已停止下跌, 近兩星期微升添。

當日為監察卡樂b的病情惡化而購買的診所bb磅, 成為我監察三貓健康的indicator, 每星期上磅一次, 記錄在案，

如果家中有地方放置, 可考慮買, 我當年買價錢約$1,200

門口毯

長方形毛毯, size啱做門口毯, 灰色, 襟污糟

只求肥仔不再肥落去, 維持 妹頭 x 2 

每日伙食同細b一樣, 甚至少DD, 身型卻大細b 七成,

 瘦唔到就是瘦唔到

不同的三貓組合仍是各倨一方, 各有各發牛痘

X 2

左邊7.16kg, 右邊3.58kg，左邊剛好是右邊的double

一肥一小為何在廚房？

一齊走難囉
家中擋門碌因為老化要更換，想過一次過更換4幅擋門，想到又要搞到一屋沙層滾滾, 
嘗試叫幫趁咗十多年的師傅(已60多歲)幫我找配件換碌算了,
他不負所望，在旺角找不到，去到荃灣才幫我找到更換配件，
因為門很重，他要找多個人幫手才能換到,
看似簡單, 兩人用了一個半小時才換完,
我要放半日假遷就師傅時間,
家中另一位叫我要開始習慣,
因為香港出現技工短缺, 人口老化, 又沒有年輕人肯入行, 
最後會好像歐美國家, 技術工人的待遇比得上專業人士

一肥一小見到有陌生人來，一同走入廚房躲避，
剩下細b婆婆留守督工，全無懼色

日日吃檸檬

妹頭到家已個半月, 近兩星期已沒有困籠，

性格驚青，但勇於接近家中肥伯、婆婆,

可能街上生活多年習慣埋堆, 多幾個同伴互相照應。

肥伯cool到當妹頭冇到, 妹頭一行近挨身即fee, 搞到妹頭幾乎一日吃幾次檸檬,

肥伯近日要求在餐檯上開餐, 免受騷擾, 知道妹頭跳不上檯。

妹頭叫聲響亮，可持續叫很久,  肥伯自小對聲音很敏感,

肥伯好似怕咗妹頭音波功, 未見佢會岀擊追打妹頭, 但仍見佢打婆婆。

知道細b唔喜歡，妹頭不敢坐得太近, 太近細b例牌fee, 跟著走開。

可能吃得太多檸檬冇趣，妹頭近日成日躲在梳發底，

如果家中舊貓性格親貓,  往往令新貓較易溶入家中,

見有一義工家中一老貓是負責令暫托貓適應新環境兼放下介心,

我家兩老性格自我, 令妹頭需要更長適應期。

Keep fat

肥仔減肥狀態停滯，自從控制食量，冇放長糧，

只瘦咗半磅左右，之後沒有進展，

媽媽唯有抽時間同佢玩羽毛棒運動。

頭部、眼珠運動

攤在地上滾動運動

呢度係邊度？

現在我一回家妹頭開始好忙,

忙著喵我，忙著自己行出廚房探險, 

但一聽到任何聲音或者我、肥仔一行近，即驚青跑回廚房,

見一陣冇嘢發生，又好奇行出來，跑出跑入好繁忙, 見佢自己嚇自己, 慌失失, 幾搞笑。

多年流浪，被人嚴重傷害，死裹逃生，

幸運被救，再入室生活，

妹頭要適應的有很多，例如：

• 大小二便一定在晚間我入睡後才進行，晚上夜闌人靜時辦大事安全D，少D機會被襲
• 吃糧、飲水也多是在晚間我入睡之後才吃才飲，這也可能流浪時每日最多只有餵貓ee餵食一餐
• 就算開心咕嚕也不會反肚
• 熟睡中一定不會完全放鬆反肚，最多只是打側少少瞓
• 扒屎扒尿很落力，幾乎周邊可扒都會扒，試過將長梯扒到跌倒地上
• 不懂吃濕糧
• 任何人、貓一行近，第一反應就是大聲喵，希望嚇退對方

希望有一天妹頭能搣甩以上習慣。

街童有牠的生存智慧, 世界女一個,

 仲使暫時未能同細b埋堆, 又唔鐘意肥仔，

但竟主動行近肥仔伸頭碰肥仔頭示好, 肥仔當然未領情，

fee完即行開, 起碼對妹頭沒有早前咁惡屎。