寒底貓

今天有幾溫暖大家都知，早上氣溫稍低也有20度，

有一隻奄尖貓著了衫仍一岀房自己走上modem坐

坐坐下仲要霸晒兩個接收器才夠喉，

此寒底貓一年有6個月長著此冷衫，

每年由約10月開始至下一年4月左右，其間不會除，

氣溫低時會再加暖水袋，晚上會睡電毯

早前貪玩幫肥仔著上同一件衫, 即刻變成基曼短腳傻仔::mm1544 ::mm1544 ::mm1544 

平時什麼英朋神武、招積、武功高強、串串貢樣唔見晒::mm2065 ::mm2065 ::mm2065 

仲有.....................::kk3115 ::kk3115 ::kk3115 

放鬆晒太陽

妹頭終於放下介心, 懂得學細b、肥仔咁享受貓生、晒下太陽, 不用擔驚受怕。
近來對鐘點也沒有初頭害怕, 躲完一陣會浦頭，
再躲再浦頭，重重複複, 好過開頭躲到鐘點走了才敢浦頭。

過去一星期天色麻麻, 這是攝於上一星期日, 陽光普照，氣溫和暖 

努力沖涼中, 

相片其實我隔住玻璃影的, 因為我一行近，佢就有d驚跑開。

每餐18g份量

每日18gx2份量

流浪唐貓艱苦的生存環境令基因演進, 體型骨架細，食物消化轉能效率很高。

這是肥仔減肥糧一日40g份量(早餐25g+晚餐15g), 另加晚餐40g罐頭 (即半罐細罐頭加水)

多嘴妹

妹頭是個多嘴妹, 做乜都大聲喵喵叫,

吃嘢前叫到直至放下佢個飯兜, 但不要以為佢肚餓或大吃，

佢只吃少少就停口，一餐20g干糧分三、四次才吃完, 

一日兩餐共40g干糧加10粒超市零吃, 

不吃雞粒、三文魚粒、魚柳、雞柳、網購的美國零吃、歐洲超市買的零吃.......

肥仔、細b超愛的牠通通聞完即棄, 

咁少食量仍不夠半年肥咗一磅半,

上星期開始減10%干糧至每日36g, 零吃減半, 

希望妹頭不要步肥仔後塵吃減肥糧。

三腳無阻牠生活，只是跳高受限, 暫時只見過牠跳上梳發、床,

懂得將被截肢的後腳放在茶几腳上借力跳上梳發，

原理好似短跑運動員起跑時的腳踏咁, 間中仍見佢撻Q。

網購時見到此模仿貓媽媽交著貓b的夾子, 據聞可舒緩貓地緊張情緒, 

曾在fb見過, 即管買來一試, 這類產品效果見貓見智, 不要太認真，

例如廣傳的日本神奇水兜, 在我家就發揮唔到作用, 不是想倒米, 實話實說。

測試妹頭在吸塵機噪音下反應

細b 叻女

細b因為耳仔發炎，前後睇咗5次醫生，終於康復，希望不要再復發。

距離上年體檢已9個月，不想遲幾個月再帶細b專登體檢, 

我主動要求醫生順便幫細b驗血、驗尿，

因為佢的小便比以前淡色、次數也增加，擔心佢開始慢性腎衰竭，

結果驗血報告一切正常，但尿液有少量蛋白，

需要再種菌，種菌顯示無菌，

又要再回診所抽多一次尿做UPC, 

結果合格，我可以鬆一口氣，短期內實在不想再和腎衰竭打交道。

很幸運，家中各貓包括妹頭、走咗的卡樂b岀門見醫生冇難度，

抽血、抽尿、打針、探熱、針灸沒有困難。

雖然卡樂b走咗, 一些當時照顧卡樂b的做法我仍保留, 

例如每日用針筒餵杞子淮山水給細b、肥仔同加入罐頭, 

每星期有幾日給兩老吃蟲草、靈芝，

希望推遲患上老年病。

亦因為早前肥仔受病毒困擾，網購了含lysine的零吃給兩老每日吃, 益咗肥仔，因為佢很愛吃此零吃，佢吃了減肥糧一段時間，只能keep fat, 冇瘦到。

妹頭愛哥哥

妹頭性情好好，很愛同類，

一有機會，就會主動接近肥仔，靜靜坐在一邊，

見肥仔沒有抗拒，會不時挨頭向肥仔示好，令我好安慰, 

今天是妹頭入室５個月。

睇下妹頭幾陶醉

雖然兩貓不會攬頭攬頸一齊瞓，

妹頭的平和，不計較吃咗好多檸檬，將肥仔呢隻牛精王馴服了不少，

肥仔少咗戾氣，已很少見肥仔追打婆婆。

當年領養卡樂b後，親戚見卡樂b雖然是流浪貓，但性格是不怕生的公關貓，

我建議親戚嘗試領養，親戚回應可否領養到好似卡樂b咁親人的貓，這當然不能保證，太過計算永遠不能踏出第一步, 也不會得到意外驚喜,

結果親戚一家先後購入3隻貓。

名種貓的性情夠親人溫和，但也不一定買中你想要的prototype,

每個人有自由選擇自己的喜好，

撫心自問，論外貌，名種貓優勝過唐貓，

我認為一般人一生可飼養的動物quota有限，

對流浪動物的憐憫愛護令我決定放棄個人喜好，幫助此弱勢羣組, 

牠們給我的回報往往意想不到。

十年後重遇

(寫於法蘭克福機場)
細b三個月內右耳發炎覆發三次，最近一次不幸發生在我出門遠行前兩日，簡直倒瀉落蟹，早上出門返工前發現覆發，明明三天前洗耳，當時仍一切正常，短短三日就發展到有液體流出耳朵，早上即打電話去各診所預約，結果是全滿，最快要第二天，我不能等，後天就要離港，只好一試十二年前幫細b絕育的診所, 有位攝，當天唯一當值醫生竟是當年幫細b絕育的醫生，即攞假帶婆婆睇醫生。

見了醫生，我問醫生點解十年冇轉工，醫生被我這樣一問，笑答就快要轉工，醫生開了另一款滴耳水和三日類固醇控制細菌繁殖，並取辦種菌，滴耳水起碼要連續滴兩星期，知道鐘點沒有能力做，她對住細b8年，至今不敢掂佢，佢對肥仔和走咗嘅卡樂b就冇問題，我提出住院，醫生拒絕，認為不能只為滴耳水困細b十多日，醫生主動提出明天幫我致電我家附近診所，要求幫忙滴耳水，要收費，但我家鐘點要帶細b去診所，鐘點話沒有信心可以捉細b入袋，我頭都大晒。

回到家不知如何拆解今次危機，好在平時有留意cat sitter資料，雖然用不著我會留下，pm cat sitter, 幾小時冇回覆，硬著頭皮找一貓友可否幫忙暫托細b，再試找多兩位網上search到的cat sitter, 一個冇回覆，一個話新年期間接了13單生意，冇能力再接，最後用另一方法找到最初pm個位，她坦言也爆晒，接唔到，但肯幫我問其partner, 又再等待……，等到晚上十一時終有回覆，酬金是正常兩倍以上，時間要遷就佢，我答應，實在不想勞煩貓友，結果搞到零晨一時才能去瞓覺。

同cat sitter 電話溝通時，我多口問見佢fb有某個慈善動物團體的posting, 問佢是否該團體義工，正是義工也，我告知約十年前曾參觀該團體收留貓貓的單位，她問我是那位義工帶我去（因為貓屋不是對外開放），我竟然記得該義工之名，而她正是10年前帶我上去貓屋參觀的義工。

一日內將十年沒有見面的兩人再因為貓連接起來。

找到大靠山

妹頭跑過江湖，知道邊個是家中大老細，

大老細一回家坐下，妹頭即上前靜靜坐一邊，

仲要靠埋黏到實一實，中間完全沒有縫。

這個習慣同卡樂b一樣，世界女！

入門四個月, 吃量不多, 只吃干糧和超市零食,

 好易養，也肥咗一磅, 不敢給牠吃太多，只有三腳, 怕關節負荷易衰退。

幾時用得著我？只有老細不在家，我才成為後補。