針灸(二)

今星期第二次帶卡樂b往針灸,

醫生插針時, 佢身體有輕微抽搐,

正在針灸中的卡樂b，比去年消瘦了很多，

要一隻貓維持此姿式二十分鐘好困難，

所以我要用手不停摸佢頭仔、頸，令佢不會Fing 甩身上的針，

有了第一次經驗，今次只是甩咗4支針。

今星期也開始服用中藥，醫生當人腎虛咁醫, 開了兩種藥粉, 

我的中醫師也曾開此兩種藥粉給我, 因為我長期腎陰虛, 

雖然貓服用份量比人少很多, 每日兩次, 每次共0.6克,

 開水用針筒餵, 失敗, 中藥始終苦澀, 

唯用pill pockets包住, 成為４粒波子, 每日8粒波子, 

因為size頗大, 塞得好心痛, 

頭三日更每日半夜嘔岀夜晚所吃的糧, 已經瘦啦, 辛辛苦苦吃咗又等於冇吃, 

同醫生商量後, 決定每日只吃一次中藥, 試了一日, 半夜冇嘔。

今日再去另一診所買膠囊塞中藥粉, 變成每次吃兩個膠囊, size縮小易d餵食。

因為服用中藥, 我暫停過往4年日日給卡樂b服用的蟲草、靈芝, 每早佢要服用的中、西藥已好幾款，怕牠小小身軀受得太多。

針灸

因為卡樂b體重持續下降, 4個月內兩次見醫生. 抽血、尿化驗,

腎功能比4個月前再衰退, 進入第四期 (即未期),

醫生沒有太多可做, 只開了抗抑鬱藥, 副作用是增加食慾,

吃了第一粒抗抑鬱藥頭12小時的確胃口大增, 之後吃第二粒已不見乜效果,

再惡化, 只有定期入院洗血, 令佢舒服d。

隔日帶卡樂b去做另類治療, 針灸, 希望改善血液循環, 腳仔暖d, 舒緩不適,

第一次針灸, 加上個性親人不怕生, 吉高屁股周身郁想討好人, 搞到身上的針跌咗好多,

不肯給醫生在鼻上落針, 因在視線范圍內, 兩次fing甩鼻上針, 

最後要放牠入袋才稍微靜下。

之後醫生給牠打一針Vitamin B, 也不哼一聲沒有任何掙扎, 好合作,

醫生對一隻曾是流浪貓的表現也覺意外, 話如果牠不是有病, 可以當動物醫生,

頓時令我鼻子一酸。

傻仔x2

兩隻傻仔自困入籠成晚, 唔捨得走。

攰了, 坐下都唔走

太攰閉目養神都唔走

這籠是６年前為迎接卡樂b入門所購, 用完幾星期就一直放入地窖, 有d生銹添,

今日取岀不是為加貓, 而是為下星期入宿的親戚暫托貓, 

會留宿兩星期, 將是對肥仔的考驗, 希望佢唔會好似當年卡樂b入門時咁發癲。

估唔到

出外買一週食物、日用品回家，見到肥仔坐在高架上，已經忘了牠多久跳不上高架，

我睇扁了肥仔，牠坐得露出少少屁股，又側埋一邊，

坐了一會兒就自動下架，有自知之明。

卡樂b現在很怕凍，今日20度，長期坐在modem上，

又不肯著衫，又不肯睡暖水袋, 情願迫埋modem上瞓，冇得迫佢，見到就心痛。

最近第一次去學空中瑜珈，雖然已持續練瑜珈8年，但仍鷄手鴨腳，

第一次經驗講不上太驚訝，

但對於一個一世人也做不到拱橋、一字馬的人，可以一嘗試做到的感覺也不錯，

因為現時很多人想學，而空中瑜珈所需要的空間比一般瑜珈多兩、三倍，

一班收得唔多人，導師又不多，好搶手，

我會繼續疏落地練習、始終兼顧不了太多活動。

沖擊

近來受到幾個小沖擊，

1. 工作上換了上司，

他已是我在此機構的第八任上司，磨合不是問題，

通常剛上任的人睇嘢樣樣唔順眼，認為自己祖國的一套最好，

nothing is impossible, 乜都想改革，這是最難磨合的，

等我慢慢來應付，過程中千祈不能say no, let him explore.

2. 家庭中，因一小事沖擊了十年來我同老公對鄰居的包容和忍耐，

我們認為對方實在欺人太甚，自己犯規十多年, 竟去投訴一個沒有犯規的家庭, 

決定反擊，過程中我的情緒多少受到影響，有幾晚很夜瞓，

明知小事一樁，但要放下的確不易。

最終由老公接手處理，他比我更氣憤，因為積壓了十年的怨氣由鄰居自己引爆，

他手法比我精明、強悍, 應該可以解決。

3. 現在年紀大，我好少話減肥，

但一年總需要一次大清洗大掃除，要不終會變肥師奶，難回頭，

節制飲食兩星期，減了4磅，

仍未達標，會維持節制飲食一排。

好處是多了時間休息，因為不需要買、洗、煮。

4. 卡樂b三個月內又輕了一磅，好擔心，

知道可以做已做了, 但仍約了醫生，尋求內心comfort。

肥仔體重達16磅，好彩吃減肥糧當自己吃緊零吃，傻仔一個, 體重近來沒有再上升。

細b繼續每日23小時睡眠，與世無爭，除了要間中捍衛肥仔突襲。

出門渡歲

接近二十年不曾在港過年，年年往外跑，實在不喜歡傳統的枷鎖，

多在遠離亞洲地方過年，今年選擇在越南渡過，

因不想短期內再搭長途飛機，仲未恢復一個多月前超過三十小時的機程恐懼，

事前沒有做功課，不知越南新年同中國一樣，來到才知道。

出名的景點不外如是，北越的河內、下龍灣被霧霾籠罩著，

去到離岸頗遠之處仍有海上垃圾，很可惜，經濟急速發展而沒有完善制度下的惡果，

其他景點也提不起興趣。直到去到中部的順化、會安，空氣污染明顯減少，我才提起興趣。

不如講下越南過年的習俗

年花，有粗壯的桃花、比較少見的黃梅（我覺得不似梅花)，散開的盆桔，

最多是黃色的菊花，家家戶戶、商鋪一定放兩盆菊花在門前

年三十行夜市、放煙花、炮仗、燒衣，當地人玩通宵

很漂亮的絲質吊燈、座枱燈、座地燈，可惜對我來講無用武之地。

炭燒栗米，很想吃，但太飽啦

年初一再重遊同一舊城

街市休業

碰上一誠心檔主拜神

白天的古城另一景象

街上、鋪頭、家庭見到很多旺旺，多吃不飽，有的更被困養，

見到很不開心，暫時只見一貓，養在艇上

路過停車場，才知越南人會對住營業車拜神，留意鷄頭咬住鷄翼

齊齊瞓

好少機會同兩隻仔一齊瞓，因為牠倆長期瞓廳，

只有細b有特權同我一齊瞓，

放假在家也因為忙著各種事，休息歇一會兒時，牠們會主動坐在身邊，

從來沒有午睡習慣，光天化日會瞓覺一定是病了或太累唔夠瞓，

肥仔主動夠近瞓，牠是從不主動坐大脾，各貓各有撒嬌的習慣，

肥仔不愛抱，只愛被摸，但抱著被迫舞動雙腳跳騎馬舞又不會反抗, 好enjoy, 費解